Maharashtra Breaking News LIVE 28 January 2025 : बाबा सिद्दिकी हत्येप्रकरणी झिशान सिद्दिकी यांचा नोंदवला जबाब; नवी माहिती उघड

राष्ट्रवादी काँग्रेसचे नेते आणि माजी मंत्री बाबा सिद्दिकी यांच्या हत्येप्रकरणी मुंबई पोलिसांनी त्यांचा मुलगा आणि माजी आमदार झिशान सिद्दिकी यांचा जबाब नोंदवला आहे. झिशान सिद्दिकी यांनी भाजपचे नेते मोहित कंबोज आणि शिवसेना नेते अनिल परब यांना मुंबई पोलिसांना दिलेल्या निवेदनात नमूद केलं. झिशान सिद्दिकी यांनी आपल्या निवेदनात वडिलांच्या डायरीचा उल्लेख केला आहे. ज्यात भाजप नेते मोहित कंबोज आणि अनिल परब यांचं नाव आहे. तर दुसरीकडे अभिनेता सैफ अली खानवरील हल्ला प्रकरणात नवी अपडेट समोर आली आहे. पोलिसांनी या प्रकरणी पश्चिम बंगालमधून एका महिलेला अटक केली आहे. आरोपी शहजाद याच्या ओळखीची ही महिला असल्याचं सांगितलं जात आहे. त्यामुळे आता या महिलेच्या चौकशीतून कोणती गोष्ट बाहेर येते याकडे सर्वांचं लक्ष लागलं आहे. यासह राज्यातल्या, देशभरातल्या सामाजिक, राजकीय, क्रीडा व इतर विषयातील महत्वाच्या बातम्या व अपडेट्स जाणून घेण्यासाठी दिवसभर हा ब्लॉग फॉलो करत रहा…