Post Office Scheme: పోస్టాఫీసులు అద్భుతమైన స్కీమ్‌.. నెలకు రూ.20,500

2 hours ago 1

పోస్టాఫీసులో రకరకాల పొదుపు పథకాలు ఉన్నాయి. ఎలాంటి రిస్క్ లేని పెట్టుబడి రాబడిని అందిస్తుంది. ఇవి స్థిర లేదా చక్రవడ్డీని అందిస్తాయి. మీరు ఈ పథకాలలో పెట్టుబడి పెట్టాలనుకుంటే, మీరు ఏ ప్రాంతం నుండి అయినా పెట్టుబడి పెట్టడం ప్రారంభించవచ్చు. ఇక్కడ ముఖ్యమైన విషయం ఏమిటంటే, చాలా ఇండియా పోస్ట్ పథకాలు భారతీయులు కాని వారికి వర్తించవు. పోస్టాఫీసులో ఉండే పథకాల వల్ల మంచి ప్రయోజనాలు పొందవచ్చు.

సీనియర్ సిటిజన్ సేవింగ్స్ స్కీమ్ అంటే ఏమిటి?

సీనియర్ సిటిజన్ సేవింగ్స్ స్కీమ్ భారతదేశంలోని సీనియర్ సిటిజన్ల కోసం. ఈ పథకం గరిష్ట భద్రత, ట్యాక్స్‌ ఆదా ప్రయోజనాలతో సాధారణ ఆదాయాన్ని అందిస్తుంది. అలాగే, 60 ఏళ్లు పైబడిన వారికి ఇది అద్భుతమైన పెట్టుబడి ఆప్షన్‌.

పథకం వివరాలు:

మెచ్యూరిటీ – 5 సంవత్సరాలు
వడ్డీ – 8.2 శాతం
కనీస పెట్టుబడి – రూ.1,000
గరిష్ట పెట్టుబడి – రూ. 30 లక్షలు
పన్ను ప్రయోజనాలు – రూ.1.50 లక్షల వరకు 80C పన్ను మినహాయింపు
ప్రీమెచ్యూర్ అకౌంట్ క్లోజర్ సదుపాయం- అందుబాటులో ఉంది

ఎలా చెల్లించాలి?

ఒక వ్యక్తి మొత్తం రూ.1 లక్ష కంటే తక్కువ ఉన్నప్పుడు నగదు రూపంలో డబ్బును డిపాజిట్ చేయవచ్చు. డిపాజిట్ మొత్తం రూ.లక్ష కంటే ఎక్కువ ఉన్నప్పుడు చెక్కు ద్వారా చెల్లించాలి.

మెచ్యూరిటీ కాలం:

సీనియర్ సిటిజన్ సేవింగ్స్ స్కీమ్ మెచ్యూరిటీ వ్యవధి 5 సంవత్సరాలు. అయితే, పెట్టుబడిదారుడు మెచ్యూరిటీ వ్యవధిని మరో 3 సంవత్సరాలు పొడిగించవచ్చు. మెచ్యూరిటీ పొడిగింపు దరఖాస్తును ఒక సంవత్సరం ముందుగానే ఇవ్వాలి.

ఒకరు ఎన్ని ఖాతాలు ఓపెన్‌ చేయవచ్చు?

ఒక పెట్టుబడిదారుడు ఒకటి కంటే ఎక్కువ సీనియర్‌ సిటిజన్స్‌ సేవింగ్‌ స్కీమ్‌ (SCSS) ఖాతాలను తెరవవచ్చు. అలాగే, మీరు మీ జీవిత భాగస్వామితో ఉమ్మడి ఖాతాను తెరవవచ్చు. ఈ ఉమ్మడి ఖాతాలను జీవిత భాగస్వామితో మాత్రమే తెరవవచ్చు. ఈ జాయింట్ ఖాతాలో మొదట డిపాజిట్ చేసిన పెట్టుబడిదారుని ప్రారంభ డిపాజిటర్‌గా పరిగణిస్తారు.

ఖాతాను వేరే శాఖకు బదిలీ చేయవచ్చా?

ఈ పథకంలో కనీస డిపాజిట్ రూ.1,000, గరిష్టంగా రూ.30 లక్షలు. రూ.1,000 గుణిజాలలో డిపాజిట్లు చేయవచ్చు. అలాగే, SCSS ఖాతాను పోస్టాఫీసు నుండి బ్యాంకుకు బదిలీ చేయవచ్చు.

ముందస్తు ఖాతా మూసివేతకు నియమాలు ఏమిటి?

సీనియర్‌ సిటిజన్‌ సేవింగ్‌ స్కీమ్‌ పెట్టుబడి ఒక సంవత్సరం ముందు మూసివేస్తే చెల్లించిన వడ్డీ అసలు మొత్తం నుండి తీసివేయబడుతుంది. అంటే, 2 సంవత్సరాల తర్వాత మూసివేస్తే, ప్రధాన మొత్తంలో 1% కట్‌ చేస్తారు.అంటే ముందుగా క్లోజ్‌ చేస్తున్నందుకు పెనాల్టీ లాగా. అలాగే రెండేళ్లలోపు మూసివేస్తే ప్రిన్సిపాల్ అమౌంట్‌ నుండి 1.50 శాతం వరకు మినహాయింపు ఉంటుంది.

పథకంలో పెట్టుబడి పెట్టడానికి అర్హతలు ఏమిటి?

60 ఏళ్లు పైబడి ఉండాలి.
55-60 సంవత్సరాల వయస్సు గల రిటైర్డ్ ఉద్యోగులు
50 ఏళ్లు పైబడిన భద్రతా సిబ్బంది
ప్రవాస భారతీయులు (NRIలు), హిందూ ఉమ్మడి కుటుంబాల సభ్యులు ఇందులో పెట్టుబడి పెట్టడానికి అర్హులు కాదు.

పథకం ప్రయోజనాలు:

ఇది భారత ప్రభుత్వంచే స్పాన్సర్ చేయబడిన పెట్టుబడి పథకం.
ఈ ఖాతాను భారతదేశంలోని ఏ పోస్టాఫీసులోనైనా తెరవవచ్చు.
భారతీయ పన్ను చట్టం, 1961లోని సెక్షన్ 80C ప్రకారం రూ.1.5 లక్షల వరకు ఆదాయపు పన్ను మినహాయింపు లభిస్తుంది.

రూ.20,500 సంపాదించే యంత్రాంగం:

SCSS సీనియర్ సిటిజన్ సేవింగ్స్ స్కీమ్ ప్రస్తుత వడ్డీ రేటు 8.2%. ప్రభుత్వ పథకాల్లో ఇదే అత్యధిక వడ్డీ రేటు.
అలాగే, మీరు గరిష్టంగా రూ.30 లక్షల వరకు పెట్టుబడి పెట్టవచ్చు. దీని ప్రకారం రూ.30 లక్షలు పెట్టుబడి పెడితే ప్రతి ఏటా దాదాపు రూ.2 లక్షల 46 వేలు వడ్డీ మాత్రమే వస్తుంది.
దీన్ని 12 నెలలతో భాగిస్తే ప్రతి నెలా దాదాపు రూ.20,500 ఆదాయం వస్తుంది. అలాగే, ఈ డబ్బు నేరుగా మీ బ్యాంక్ ఖాతాకు బదిలీ అవుతుంది.

మరిన్ని బిజినెస్ వార్తల కోసం ఇక్కడ క్లిక్ చేయండి

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article