21 hours ago
1
ప్రస్తుతం యావత్‌ ఇండియన్‌ సినీ లవర్స్‌ పుష్ప2 సినిమా కోసం ఎదురు చూస్తున్నారు. డిసెంబర్ 5వ తేదీ ప్రపంచవ్యాప్తంగా విడుదలకు సిద్ధమవుతోందీ మూవీ. విడుదలకు ముందే రికార్డులను తిరగరాయడం మొదలు పెట్టిన పుష్ప2, థియేటర్లలోకి వచ్చాక ఎలాంటి వండర్స్ క్రియేట్ చేస్తుందోనని అటు ఫ్యాన్స్‌తోపాటు సినీ క్రిటిక్స్‌ సైతం ఆసక్తిగా ఎదురు చూస్తున్నారు.
ఇప్పటికే ఓవర్‌సీస్‌తో పాటు, ఇండియాలో అడ్వాన్స్‌ బుకింగ్స్‌లో సరికొత్త రికార్డులను తిరగరాసింది పుష్ప2. కాగా పుష్ప2 విడుదలకు ముందే పుష్ప3 చిత్రానికి సంబంధించి వార్తలు వస్తున్నాయి. కచ్చితంగా పుష్ప ఫ్రాంచైజీ నుంచి మరో సినిమా ఉండనుందని గత కొన్ని రోజులుగా వార్తలు వస్తూనే ఉన్నాయి. బెర్లిన్‌ ఫిల్మ్‌ ఫెస్టివల్‌లో అల్లు అర్జున్‌ స్పందిస్తూ.. పుష్ప ‘పార్ట్‌3’ ఉంటుందని తెలిపారు. ‘పుష్ప2’ క్లైమాక్స్‌లో ‘పార్ట్‌-3’కి లీడ్‌ ఇస్తూ కొన్ని సన్నివేశాలను చూపించనున్నారని వార్తలు వచ్చాయి.
ఇక తాజాగా సోమవారం హైదరాబాద్‌లో జరిగిన ప్రీరిలీజ్‌ ఈవెంట్‌ దర్శకుడు సుకుమార్‌ పార్ట్‌ 3 గురించి ఆసక్తికర వ్యాఖ్యలు చేశారు. అభిమానులను ఉద్దేశిస్తూ మాట్లాడుతూ.. ‘నేను మీ హీరోని మూడేళ్లు కష్టపెట్టాను. మీరు మీ హీరోని అడగండి. నేను నా ఫ్రెండ్‌ (అల్లు అర్జున్‌)ను అడుగతాను. నా కోసం మళ్లీ మరో మూడేళ్లు ఇస్తే తప్పకుండా ‘పుష్ప3’ చేస్తా’ అని చెప్పుకొచ్చాడు.
పుష్ప2 ట్రైలర్‌..
అయితే తాజాగా సోషల్‌ మీడియాలో ట్రెండ్‌ అవుతోన్న ఓ ఫొటో పుష్ప3 ఉంటుందన్న వార్తలకు బలం చేకూర్చింది. ఈ సినిమాకు సౌండ్‌ ఇంజినీర్‌గా ఆస్కార్‌ అవార్డు విజేత రసూల్‌ పూకుట్టి పనిచేశారు. ఆయన తన టీమ్‌తో కలిసి దిగిన ఫొటో వెనుక ‘పుష్ప3’ టైటిల్‌ ఉంది. అందులో ‘పుష్ప3: ది ర్యాంపేజ్‌’ అని ఉంది. దీంతో పుష్ప2లో కచ్చితంగా పార్ట్‌కి సంబంధించిన హింట్‌ ఉండబోతోందని స్పష్టమవుతోంది.
అయితే పుష్ప3 రావడానికి కచ్చితంగా సమయం పడుతుందని చెప్పడంలో ఎలాంటి సందేహం లేదు. పుష్ప2 విడుదల తర్వాత సుకుమార్‌, అల్లుఅర్జున్‌ ఇద్దరూ వేరువేరు ప్రాజెక్ట్స్‌లో బిజీ అవుతుండడంతో కనీసం రెండు నుంచి మూడేళ్లయినా పట్టే అవకాశం ఉందని తెలుస్తోంది. అయితే మొత్తం మీద పుష్ప యూనివర్స్‌ కొనసాగడం మాత్రం ఖాయంగా కనిపిస్తోంది.
మరిన్ని సినిమా వార్తల కోసం క్లిక్ చేయండి..
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·