Sangali car accident : कारवरील नियंत्रण सुटल्याने अपघात, कार थेट नदीपात्रात; तिघांचा मृत्यू

1 hour ago 2

सांगली (Sangli): कोल्हापुरात लग्न समारंभ आटोपून घरी येत असताना कारवरील नियंत्रण सुटल्याने अंकली पूलावरुन कृष्णा नदीत कार कोसळून झालेल्या अपघातात दोन महिलासह तिघे ठार तर तिघे गंभीर जखमी झाले. हि घटना मध्यरात्री घडली असून अपघातात मृत पावलेले सांगलीचे रहिवासी आहेत.

कारवरील सुटल्याने मोटार थेट नदीपात्रात

लग्न सोहळा आटपून सांगलीकडे येताना गाडीवरील कारवरील सुटल्याने मोटार थेट नदीपात्रात कोसळली या भीषण अपघातात (Accident) तिघेजण मृत्युमुखी पावले. मृतात दोन महिला आणि एका पुरुषाचा समावेश आहे. यातील मृत कुटुंबीय हे सांगलीतल्या कोल्हापूर रोडवरील गंगाधर कॉलनी येथील रहिवासी आहेत. कोल्हापूर येथून एक लग्न सोहळा आटोपून हे कुटुंबीय सांगलीकडे येत होते. त्यांची मोटार जयसिंगपूरहुन सांगलीकडे येत असताना अंकली पुलावर कारवरील नियंत्रण सुटल्याने कार थेट नदी पात्रात कोसळली. यामध्ये प्रसाद भलचांद्र खेडेकर (४०), प्रेरणा प्रसाद खेडेकर (३५) , वैष्णवी संतोष नार्वेकर (२३) यांचा मृत्यू झाला तर साक्षी संतोष नार्वेकर (४२), वरद संतोष नार्वेकर (२१) आणि समरजित प्रसाद खेडेकर (५) हे गंभीर जखमी झाले आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article