Shardul Thakur : पालघरमधील ठाकुरला मोठा धक्का, लॉर्ड शार्दुल अनसोल्ड

2 hours ago 1

आयपीएल 2025 मेगा ऑक्शनच्या दुसऱ्या दिवशी (25 नोव्हेंबर) टीम इंडियाचा स्टार ऑलराउंडर पालघर एक्सप्रेस आणि लॉर्ड या नावाने ओळखला जाणारा शार्दूल ठाकूर अनसोल्ड राहिला. सौदी अरेबिया येथील जेद्दाह शहरात मेगा ऑक्शनचं आयोजन करण्यात आलं आहे. ऑक्शनच्या पहिल्या दिवशी 84 पैकी 72 खेळाडू सोल्ड झाले. तर 12 खेळाडूंना कुणीच घेतलं नाही. त्यानंतर दुसऱ्या दिवसाच्या ऑक्शनला सुरुवात कॅप्ड फलंदाजांच्या फेरीपासून सुरुवात झाली. या फेरीमध्ये अजिंक्य रहाणे आणि पृथ्वी शॉ हे दोन्ही मुंबईकर फलंदाज अनसोल्ड राहिले.

कॅप्ड बॅट्समनंतर कॅप्ड ऑलराउंड खेळाडूंच्या फेरीला सुरुवात झाली. ऑक्शनर मल्लिका सागर यांनी शार्दूलचं नाव घेतलं. मात्र शार्दुलसाठी कुणीच इंटरेस्ट दाखवला नाही. ऑक्शनर यांनी शार्दुलवर बोली लावण्यापर्यंत वाट पाहिली. मात्र कोणत्याच टीमला शार्दुलला घेण्यात स्वारस्य नसल्याचं लक्षात आलं. त्यानंतर ऑक्शनर मल्लिका सागर यांनी शार्दूल ठाकुर अनसोल्ड असं जाहीर केलं. शार्दुलची बेस प्राईज 2 कोटी आहे. शार्दुल पहिल्या फेरीत अनसोल्ड राहिला. त्यामुळे या ऑक्शनमध्ये सर्वात शेवटी एक्सलरेशन राऊंडमध्ये शार्दुलला कुणी घेणार का? याकडे साऱ्यांचं लक्ष असणार आहे.

शार्दूलची गेल्या हंगामातील कामगिरी

शार्दुल ठाकुर आयपीएलच्या 17 व्या हंगामात (IPL 2024) चेन्नई सुपर किंग्सकडून खेळला. मात्र शार्दुलला त्याच्या ऑलराउंड या भूमिकेला न्याय देता आला नाही. शार्दुल 9 सामन्यांमध्ये 309 धावा देत फक्त 5 विकेट्सच मिळवल्या. तर शार्दुलला 21 धावाच करता आल्या. शार्दुलला कोणत्याही टीमने न घेण्यामागचं त्याची गेल्या हंगामातील कामगिरी हे प्रमुख कारणांपैकी एक आहे.

ऑलराउंडर शार्दूल ठाकुर अनसोल्ड

Shardul Thakur remains UNSOLD!#TATAIPLAuction | #TATAIPL

— IndianPremierLeague (@IPL) November 25, 2024

शार्दूल ठाकुर याची आयपीएल कारकीर्द

शार्दुल ठाकुर याने आयपीएलमध्ये आतापर्यंत 95 सामन्यांमध्ये अनेक संघांचं प्रतिनिधित्व केलं आहे. शार्दुलने 92 डावांमध्ये 94 विकेट्स घेतल्या आहेत. शार्दुलची 36 धावांच्या मोबदल्यात 4 विकेट्स ही आयपीएल कारकीर्दीतील सर्वोत्तम कामगिरी राहिली आहे. तसेच शार्दुलने 37 डावांमध्ये बॅटिंग करताना 1 अर्धशतक, 27 चौकार आणि 13 षटकारांच्या मदतीने 307 धावा केल्या आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article