Viral News: జంతువులా బామ్మ నుదిటిపై కొమ్ము.. రోజు రోజుకీ పెరుగుతూ వైద్యులకు షాక్..

2 hours ago 1

చైనాకు చెందిన 107 ఏళ్ల వృద్ధురాలు తన నుదుటిపై పెరిగిన వింత కొమ్మును చూపిస్తూ సోషల్ మీడియా వినియోగదారులను షాక్‌కు గురి చేసింది. చెన్ అనే ఈ వృద్ధ మహిళ చైనా సోషల్ సైట్ డౌయిన్‌లో సంచలనంగా మారింది. చెన్ నుదుటిన పెరిగే ఈ కొమ్ములో అద్భుత లక్షణాలు ఉన్నాయని చాలా మంది నమ్ముతున్నారు. ఆమె దీర్ఘాయుస్సు వెనుక రహస్యం అని భావిస్తున్నారు. సోషల్ మీడియా వినియోగదారులు ఈ బామ్మ కొమ్ముని ‘దీర్ఘాయువు కొమ్ము’ అని పిలుస్తున్నారు.

న్యూయార్క్ పోస్ట్‌లో ప్రచురించబడిన వార్త ప్రకారం..107 ఏళ్ల చెన్ సుదీర్ఘ జీవితాన్ని ఆనందంగా గడుపుతున్నారు. వందేళ్లు దాటినా ఇప్పటికీ చెన్ మంచి ఆరోగ్యంతో ఉంది. ఇప్పటికీ బామ్మకు మంచి ఆకలి ఉందని, ఉల్లాసంగా ఉంటుందని సన్నిహితులు చెబుతున్నారు. సోషల్ మీడియా వినియోగదారులు మాత్రం బామ్మ నుదుటిపై పెరిగిన నాలుగు అంగుళాల కొమ్మే ఆరోగ్యంగా ఉండడానికి కారణం అని నమ్ముతున్నారు.

బామ్మ నుదిటి మీద ఉన్న కొమ్ముని ఎట్టి పరిస్థితుల్లోనూ తొలగించడానికి ప్రయత్నించకూడదని ఒక నెటిజన్ హెచ్చరించాడు. ఎందుకంటే తన అమ్మమ్మ నుదిటిపై ఇలాంటి కొమ్ము ఉండేది.. ఆ కొమ్ముని ఆపరేషన్ చేసి తీసివేసిన కొన్ని రోజుల తర్వాత ఆమె మరణించిందని పేర్కొన్నాడు. అదే సమయంలో మరి కొందరు వృద్ధురాలి కొమ్ముకు ఎలాంటి మాయా లక్షణాలు లేవు..అంతే కాదు ఆ కొమ్ము వలన ఎలాంటి ఆరోగ్య ప్రయోజనాలు లేవని చెప్పారు.

ఇవి కూడా చదవండి

మీడియా నివేదికల ప్రకారం ఈ కొమ్ము క్రమంగా వృద్ధ మహిళ నుదిటిపై పెరుగుతూ వచ్చింది. ఇలాంటి కేసులు అరుదుగా వస్తాయని వైద్యులు చెబుతున్నారు. అయితే దీని వల్ల పేషెంట్ కు ఎలాంటి ఇబ్బంది ఉండదని కూడా చెబుతున్నారు. అదే సమయంలో చెన్ తన కొమ్మును తొలగించే ఆలోచన కూడా లేదని చెబుతున్నారు.

చర్మవ్యాధి నిపుణులు ఈ విషయంపై మాట్లాడుతూ ఇలా నుదుటి మీద కొమ్ము ‘కటానియస్ హార్న్స్’ అనే అరుదైన చర్మవ్యాధి వల్ల వస్తుందని భావిస్తున్నారు. దీని కారణంగా బాధితుడి నుదిటిపై కోన్ ఆకారంలో నిర్మాణం ప్రారంభమవుతుంది. ఇటువంటి సమస్య 60 నుండి 70 సంవత్సరాల వయస్సు గల రోగులలో సర్వసాధారణం. అయితే ఈ కొమ్ము వలన ఎటువంటి ఆరోగ్య ప్రమాదాన్ని కలిగించదు.

అయితే క్యాన్సర్ వచ్చే ప్రమాదాన్ని విస్మరించలేమని వైద్యులు కూడా చెబుతున్నారు. ముఖ్యంగా కొమ్ము ఆకారం, రంగులో వేగంగా మార్పు వచ్చినప్పుడు చెన్ విషయంలో కనిపించింది. ఎందుకంటే ఇటీవల వృద్దురాలి నుదిటి కొమ్ము పరిమాణం రెండింతలు పెరిగిందని చెబుతున్నారు.

మరిన్ని అంతర్జాతీయ వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article