Viral: ఇదేందిది మావా.! బైకర్ ట్రిపుల్ సెంచరీ.. చలానాలు చూసి కంగుతిన్న పోలీసులు

2 hours ago 2

బెంగళూరుకు చెందిన ఓ ద్విచక్ర వాహనదారుడు వార్తల్లో కెక్కాడు. రికార్డు సంఖ్యలో ట్రాఫిక్‌ ఉల్లంఘనలకు పాల్పడటమే అందుకు కారణం. అతడి స్కూటర్‌పై ఏకంగా 311 కేసులు నమోదయ్యాయి. రూ.1.60లక్షల జరిమానా విధించిన పోలీసులు అతడి బైక్‌ను సీజ్‌ చేశారు. చివరకు ఆ జరిమానా మొత్తం చెల్లించిన వాహనదారుడు బైక్‌ను తీసుకొని వెళ్లిపోయాడు.

బెంగళూరులోని కలాసిపాల్య ప్రాంతానికి చెందిన పెరియాస్వామి ఓ ట్రావెల్‌ ఏజెన్సీ నడిపిస్తున్నాడు. అతడి స్కూటర్‌పై రికార్డు స్థాయిలో ట్రాఫిక్‌ ఉల్లంఘన కేసులు నమోదవుతున్నాయి. హెల్మెట్‌ లేకుండా ప్రయాణం, జర్నీలో మొబైల్‌ వాడకం, సిగ్నల్‌ జంప్‌ తదితర కేసులున్నాయి. అయిన్నప్పటికీ పోలీసులు మాత్రం పెద్దగా పట్టించుకోలేదు. ఆ వ్యక్తి వాహన చలానాలను ఏడాది కాలంగా గమనిస్తూ వస్తున్న స్థానికంగా ఉన్న మరో వ్యక్తి .. ‘ఆ బైక్‌ను పోలీసులు ఇంకా ఎందుకు సీజ్‌ చేయలేదంటూ’ సోషల్‌ మీడియాలో పోస్టు పెట్టాడు. ట్రాఫిక్‌ ఉల్లంఘన, జరిమానాలకు సంబంధించిన స్క్రీన్‌ షాట్‌ను జతచేశాడు.

ఆ పోస్టును చూసి మేల్కొన్న బెంగళూరు ట్రాఫిక్‌ పోలీసులు.. సదరు స్కూటర్‌పై 311 ట్రాఫిక్‌ ఉల్లంఘన కేసులు ఉన్నట్లు గుర్తించారు. ఆ చలానాలన్నింటినీ ఒక దగ్గర చేరిస్తే 20 మీటర్లు పొడవు ఉన్నాయి. మొత్తంగా 1,61,500 రూపాయల ఫైన్‌ విధించిన సిటీ మార్కెట్‌ ట్రాఫిక్‌ పోలీసులు.. వాహనాన్ని సీజ్‌ చేశారు. అయితే, మరుసటి రోజే వాహనదారుడు వచ్చి చలాన్‌ చెల్లించి బైక్‌ను తీసుకెళ్లాడు. ఈ క్రమంలో ట్రాఫిక్‌ నిబంధనలు కచ్చితంగా పాటించాలని అతడికి పోలీసులు స్పష్టంగా చెప్పారు.

ఇవి కూడా చదవండి

మరిన్ని ట్రెండింగ్ న్యూస్ కోసం క్లిక్ చేయండి

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article