ratan tata

દિવંગત ઉદ્યોગપતિ રતન ટાટાના વસિયતનામાને હાલમાં ખોલવામાં આવ્યું છે. જેમાં એક ચોંકાવનારો ખુલાસો થયો છે. તેમણે પોતાની સંપત્તિનો એક તૃતીયાંશ ભાગ એટલે કે લગભગ 500 કરોડ રૂપિયા મોહિની મોહન દત્તાને આપવાનું નક્કી કર્યું છે. મોહિની મોહન દત્તા એવા વ્યક્તિ છે જેના વિશે બહુ જ ઓછા લોકો જાણે છે. એમના વસિયતનામામાં આ નામ જોઈને ટાટા પરિવાર સહિત બધા જ આશ્ચર્યચકિત થઈ ગયા છે. આપણે તેમના વિશે જાણીએ.

કોણ છે મોહિની મોહન દત્તા?
જમશેદપુરના રહેવાસી મોહિની મોહન દત્તા ટ્રાવેલ ક્ષેત્રમાં સક્રિય છે. તેઓ સ્ટેલિયન નામની ટ્રાવેલ કંપનીના માલિક હતા. તેમની ટ્રાવેલ કંપની 2013 માં તાજ ગ્રુપ ઑફ હોટેલ્સની તાજ સર્વિસીસની સાથે મર્જ થઈ છે. મોહિની મોહન દત્તા પરિવારનો સ્ટેલિયનમાં હિસ્સો 80% છે જ્યારે બાકીનો ૨૦ ટકા હિસ્સો ટાટા ઇન્ડસ્ટ્રીઝ પાસે છે. દત્તા થોમસ કુક સાથે સંકળાયેલી એક મોટી કંપની ટીસી ટ્રાવેલ સર્વિસીસના ડિરેક્ટર રહી ચૂક્યા છે. મોહિની મોહન દત્તા રતન ટાટાના સહયોગી હતા અને તેમના પારિવારિક વર્તુળમાં જાણીતા હતા, પણ રતન ટાટાના આ પગલાંએ બધાને વિચારવામાં મજબૂર કરી દીધા છે કે દત્તા અને ટાટા વચ્ચે નો સંબંધ કેટલો ઊંડો હતો. મોહિની મોહન દત્તા પોતાને રતન ટાટાના પરિવારના સભ્યોની નજીક ગણાવતા હતા. એમ પણ જાણવા મળ્યું હતું કે રતન ટાટા જ્યારે 24 વર્ષના હતા ત્યારે જમશેદપૂરમાં ડિલર્સ હોસ્ટેલમાં તેમની મુલાકાત થઇ હતી. તેઓ 60 વર્ષથી એકબીજાને ઓળખતા હતા. મોહિની મોહન દત્તા હંમેશા કહે છે કે રતન ટાટાએ જ તેમને ઘડ્યા છે.

Also read: રતન ટાટા જેવો આદર બહુ ઓછા ઉદ્યોગપતિઓને મળ્યો

મોહિની મોહન દત્તા ટાટા પરિવારના સભ્ય નથી આ કારણે પણ તેમના નામની ચર્ચા થઈ રહી છે. અત્યાર સુધી મોહિની દત્તા તરફથી કોઈ નિવેદન આવ્યું નથી કે રતન ટાટાના પરિવાર કે નજીકના લોકો દ્વારા પણ કંઈક કહેવામાં આવ્યું નથી. વસિયતનામામાં રહેલી મિલકતનું વિતરણ હાઇકોર્ટ દ્વારા પ્રમાણપત્ર મળ્યા પછી જ થઈ શકે છે અને આ પ્રક્રિયા પૂર્ણ થવામાં છ મહિના જેટલો સમય લાગી શકે છે. રતન ટાટા ભારતના સૌથી આદરણીય ઉદ્યોગપતિઓમાંના એક હતા. તેમની અંદાજિત નેટવર્થ રૂ. 8000 કરોડ હતી. તેમણે તેમની મોટા ભાગની સંપત્તિ દાનમાં આપી દીધી હતી. તેઓ તેમની સાદગી માટે જાણીતા હતા. ઑક્ટોબર 2024માં 86 વર્ષની વયે તેમનું અવસાન થયું હતું.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને