3 hours ago
2
జోమాటో.. ఇది అందరి తెలిసిందే. ఏదైనా ఫుడ్ ఆర్డర్‌ చేయాలన్నా జోమాటోను ఎక్కువగా వినియోగిస్తుంటారు. జోమాటో సేవలు రోజురోజుకు విస్తరిస్తోంది. జోమాటో ఫుడ్ ఆర్డర్లనే కాకుండా ఇటీవల నుంచి ఇతర కిరాణ సరుకులను కూడా డెలివరీ చేస్తోంది. పది నిమిషాల్లోనే డెలివరీ అంటూ తన సేవలను మరింతగా విస్తరించుకుంటోంది జోమాటో. ఇప్పుడు ఈ కంపెనీ పేరు మారింది. జొమాటో లిమిటెడ్‌గా ఉన్న కంపెనీ పేరును ఎటర్నల్ లిమిటెడ్‌గా మార్చారు. పేరు మార్పుకు జొమాటో బోర్డు డైరెక్టర్లు ఆమోదం తెలిపారని కంపెనీ గురువారం దాఖలు చేసిన రెగ్యులేటరీ ఫైలింగ్‌లో తెలిపింది. జొమాటో కార్పొరేట్ పేరు మారింది. అయితే, కంపెనీ పేరు మారితే జోమాటో పేరును కూడా మారుస్తారా? అనే అనుమానాలు తలెత్తుతున్నాయి. దీనిపై కంపెనీ క్లారిటీ ఇచ్చింది. కంపెనీ లిమిటెడ్‌ పేరు మారినప్పటికీ ఫుడ్ యాప్‌లో జోమాటో పేరు అలాగే ఉంటుందని తెలిపింది. అంటే జొమాటో యాప్ పేరులో ఎటువంటి మార్పు ఉండదన్నట్లు.
ఇది కూడా చదవండి: RBI: 56 నెలల తర్వాత సామాన్య ప్రజలకు ఆర్బీఐ గుడ్‌న్యూస్‌.. అదేంటో తెలుసా?
ఈ పేరు మార్పు ఎందుకు?
జొమాటో ప్రాథమికంగా ఒక ఫుడ్ టెక్ కంపెనీ. అప్పటి నుండి దాని పరిధి విస్తరిస్తూనే ఉంది. అది బ్లింకిట్ అనే క్విక్ కామర్స్ కంపెనీని కొనుగోలు చేసింది. లాజిస్టిక్స్ వ్యాపారం ఉంది. ఈ సందర్భంలో కార్పొరేట్ కంపెనీకి ప్రత్యేక గుర్తింపు అవసరం ఏర్పడింది. అందువలన పేరు ఎటర్నల్ గా మార్చబడింది.
బ్లింకిట్‌ను కొనుగోలు చేసినప్పుడు జొమాటో అంతర్గతంగా ‘ఎటర్నల్’ గుర్తింపును ఉపయోగిస్తోంది. కంపెనీకి, దాని బ్రాండ్‌కు మధ్య ఒక ప్రత్యేక గుర్తింపును సృష్టించడానికి ఈ మార్పు జరిగినట్లు తెలుస్తోంది. జొమాటో కాకుండా వేరే వ్యాపారం మా భవిష్యత్తుకు కొత్త మార్గాన్ని సుగమం చేస్తోందని చూసిన రోజే, మేము కంపెనీ పేరును ప్రపంచవ్యాప్తంగా ఎటర్నల్‌గా మారుస్తామని ఇప్పటికే నిర్ణయించుకున్నాము. “బ్లింకిట్‌తో ఈరోజు మనకు ఆ రోజు వచ్చింది” అని జొమాటో సహ వ్యవస్థాపకుడు, గ్రూప్ CEO దీపిందర్ గోయల్ గురువారం BSEకి దాఖలు చేసిన దాఖలులో తెలిపారు.
జొమాటో పేరు మార్పును ఇప్పుడు స్టాక్ ఎక్స్ఛేంజీలలో దాని జాబితాలో చూడవచ్చు. జొమాటోకు బదులుగా మీరు ఎటర్నల్ అనే పేరును చూస్తారు. మీరు మీ భోజనాన్ని బుక్ చేసుకోవడానికి ఉపయోగించే Zomato యాప్ పేరు, బ్రాండింగ్ అలాగే ఉంటాయి. ఎటర్నల్ సంస్థ కింద నాలుగు వ్యాపారాలు ఉన్నాయి. అవి జొమాటో, బ్లింకిట్, హైపర్‌ప్యూర్, డిస్ట్రిక్ట్. హైపర్‌ప్యూర్ అనేది రెస్టారెంట్లు, కేఫ్‌లు, హోటళ్లకు కూరగాయలు, కిరాణా సామాగ్రి మొదలైన వాటిని టోకు ధరలకు సరఫరా చేసే సర్వీస్‌. డిస్ట్రిక్ట్ బుక్ మై షో వంటి సేవను అందిస్తుంది. ఇది వివిధ కార్యక్రమాలకు టిక్కెట్లను బుక్ చేసుకోవడానికి మిమ్మల్ని అనుమతిస్తుంది.
ఇది కూడా చదవండి: Gold Price Today: ఇంతట్లో ఆగేటట్లు లేదుగా.. పాత రికార్డ్‌లను బద్దలు కొడుతున్న బంగారం ధర!
మరిన్ని బిజినెస్ వార్తల కోసం ఇక్కడ క్లిక్ చేయండి
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·