इंडिगोने सुरू केली पुणे-भोपाळ उड्डाण सेवा:इतर मार्गांवरही वाढवणार उड्डाणांची संख्या

इंडिगो या एअरलाइनने पुणे आणि भोपाळ यांना जोडणारा नवीन मार्ग सुरू करत असल्याचे जाहीर केले आहे. या नवीन मार्गामुळे पर्यटना बरोबरच या दोन शहरांमधील महत्त्वाच्या व्यापार व्यवसायाला देखील प्रोत्साहन मिळेल. २७ ऑक्टोबर २०२४ पासून दररोज या मार्गावर उड्डाण सुरू होईल. यामुळे संपर्क वाढेल आणि या भागात राहणाऱ्या प्रवाशांची सोय होणार आहे. या व्यतिरिक्त, पुणे-इंदूर, पुणे-चेन्नई आणि पुणे-रायपूर या मार्गांवर, इंडिगो दिवाळीच्या आधीच म्हणजे २७ ऑक्टोबर २०२४ पासून आपल्या उड्डाणांची संख्या देखील वाढवणार आहे. ग्लोबल सेल्स, इंडिगोचे प्रमुख विनय मल्होत्रा म्हणाले, 27 ऑक्टोबरपासून भोपाळ आणि पुणे या शहरांमध्ये दररोज थेट उड्डाणे सुरू करण्यात येणार आहे. ही नवीन उड्डाणे सोयीस्कर समयी असतील आणि ती दोन प्रांतांना जोडण्याचे महत्त्वाचे काम करतील. व्यवसाय तसेच पर्यटनासाठी नवनवीन मार्गांवर उड्डाणे सुरू करून विशेषतः सणासुदीच्या काळात वाढत्या मागण्या पूर्ण करण्याचा प्रयत्न करत आहे. आमच्या व्यापक ६ ई नेटवर्कच्या माध्यमातून आम्ही भारतात आणि भारताच्या बाहेर सुरक्षित, किफायतशिर आणि वेळ पाळणारी सेवा व त्रासमुक्त प्रवास सुविधा करण्याची परंपरा चालू ठेवली असल्याची माहिती अधिकाऱ्यांनी दिली आहे. विद्येचे माहेरघर म्हणून ओळखले जाणारे पुणे हे महाराष्ट्रातील एक गजबजलेले शहर आहे. येथील शैक्षणिक संस्था आणि सांस्कृतिक वारसा ही पुण्याची ओळख असून पुणे हे आयटी आणि व्यवसायांचे हब आहे, त्यामुळे देशभरातून व्यावसायिक येथे आकर्षित होत असतात. भारतातील ऑटोमोटिव्ह उद्योगाचे देखील पुणे हे मोठे केंद्र आहे. भोपाळ ही मध्यप्रदेशाची राजधानी असून इतिहास आणि नैसर्गिक सौंदर्य यांचा अनोखा संगम येथे झालेला दिसतो. ‘तलावांचे शहर’ म्हणून ओळखल्या जाणाऱ्या भोपाळमध्ये अनेक सुंदर तलाव आणि हिरवीगार उद्याने आहेत. सांस्कृतिक वैविध्याच्या बाबतीत भोपाळ समृद्ध आहे. येथे ताज-उल्-मस्जिद आणि भारत भवन सारखे अप्रतिम वास्तूकलेचे नमुने बघायला मिळतात. उड्डाणांचे वेळापत्रक उड्डाण क्र. उड्डाणाचे आरंभ स्थान गंतव्यस्थान फ्रिक्वेन्सी शुभारंभ निर्गमन आगमन 6E 258 पुणे भोपाळ दररोज 27 ऑक्टोबर 2024 1:00 2:35 6E 257 भोपाळ पुणे दररोज 27 ऑक्टोबर 2024 3:05 4:50