इराणमधील कोळसा खाणीत झालेल्या स्फोटानंतर आपत्कालीन आणि बचाव पथके दुर्घटना स्थळी धाव घेत मदतकार्य सूरु केले.(Image source- X)
Published on
:
22 Sep 2024, 8:38 am
Updated on
:
22 Sep 2024, 8:38 am
पुढारी ऑनलाईन डेस्क : इराणमधील कोळसा खाणीत झालेल्या स्फोटात ३० जण ठार तर १७ जण जखमी झाल्याचे वृत्तसंस्था 'एपी'ने दिले आहे. खाणीत आणखी २४ कामगार अडकले असून, मृतांचा आकडा वाढण्याची भीती व्यक्त होत आहे. ( Iran coal mine blast )
इराणची राजधानी तेहरानपासून सुमारे 540 किलोमीटर अंतरावर असलेल्या पूर्व इराणमधील तबासमधील कोळसा खाणीत शनिवारी (दि.२१ सप्टेंबर) रात्री कोळसा खाणीत स्फोट झाला. मिथेन वायूच्या गळतीमुळे झालेल्या दुर्घटनेवेळी सुमारे ७० कामगार खाणीत काम करत होते. प्रशासनाने आपत्कालीन आणि बचाव पथके तत्काळ स्फोटाच्या ठिकाणी पाठवली. खाणीत अजूनही २४ जण अडकले असण्याची शक्यता आहे.
इराण दरवर्षी सुमारे 3.5 दशलक्ष टन कोळशाचा वापर करतो; परंतु दरवर्षी केवळ 1.8 दशलक्ष टन कोळसा काढतो. उर्वरित आयात केले जाताे. याचा बहुतांश वापर देशातील पोलाद गिरण्यांमध्ये केला जाताे.