उपमुख्यमंत्री फडणवीस यांच्या ताफ्यातील पोलीस वाहन उलटून अपघातFile Photo
Published on
:
07 Oct 2024, 8:14 am
Updated on
:
07 Oct 2024, 8:14 am
नागपूर : पुढारी वृत्तसेवा
उपमुख्यमंत्री देवेंद्र फडणवीस विविध कार्यक्रमांच्या निमित्ताने आज (सोमवार) नागपुरात होते. हे कार्यक्रम आटोपल्यानंतर ते दुपारी सोलापूरच्या दिशेने रवाना झाले. दरम्यान, उपमुख्यमंत्र्यांचा ताफा रवाना झाल्यानंतर याच ताफ्यातील पोलिसांचे एक वाहन उलटल्याची घटना घडली. सुदैवाने या अपघातात कोणीही जखमी झालेले नाही.
सोमवारी सकाळी 9.30 वाजता आरोग्य आपल्या दारी फिरता डिजिटल दवाखाना लोकार्पण सोहळा, यानंतर अवादाच्या सुपर फॅक्टरीचे भूमिपूजन, एमआयडीसी, बुटीबोरी, पनॉर्ड रिकार्डच्या प्रकल्पाचे भूमिपूजन, एमआयडीसीत आटोपल्यानंतर दुपारी 3 वाजता विविध विकासकामांचे लोकार्पण/भूमिपूजन, मंगळवेढा, सोलापूर येथे असल्याने उपुख्यमंत्री फडणवीस रवाना झाले. याचवेळी ही अपघाताची घटना घडली.