कल्याण स्टेशनजवळ लोकल ट्रेनचा एक डबा रुळावरून घसरला आहे. सुदैवाने या अपघातात कुठलीही जीवितहानी झालेली नाही. पण कल्याणहून सीएसएमटीच्या दिशेने जाणारी वाहतूक विस्कळीत झाली आहे.
मिळालेल्या माहितीनुसार कल्याण रेल्वे स्थानकाच्या फलाट क्रमांक 2 जवळ रात्री 8.55 सुमारास हा अपघात झाला आहे. कल्याणहून सीएसएमटीच्या दिशेने जाताना या लोकलचा शेवटचा डबा रुळावरून घसरला आहे. यात कुठलीही जीवितहानी झाली नसून कुठलाही प्रवासी जखमी झालेला नाही. घटनेची माहिती मिळताच प्रशासनाचे अधिकारी आणि कर्मचारी घटनास्थळी दाखल झाले आहेत.