काँग्रेसच्या मुस्लिम उमेदवारामुळे इम्तियाज यांचा मतदारसंघ ठरेना:काँग्रेसचे शहराध्यक्ष युसूफ शेख यांची ‘मध्य’मधून विधानसभेची तयारी सुरू‎‎

आगामी विधानसभा निवडणुकीच्या‎पार्श्वभूमीवर राज्यासह छत्रपती संभाजीनगरचे‎राजकीय वातावरण तापायला सुरुवात झाली‎आहे. असे असतानाच चर्चा रंगत आहे ती‎एमआयएमच्या उमेदवारांची. अशातच मध्य‎विधानसभा मतदारसंघातून आमदार राहिलेले‎एमआयएमचे प्रदेशाध्यक्ष इम्तियाज जलील‎यांची उमेदवारी घोषित करण्यात आली आहे.‎मात्र उमेदवारी घोषित केली तरी त्यांचा‎मतदारसंघ अद्याप ठरलेला नाही. त्यामुळे जलील‎कोठून लढणार याची चर्चा सध्या सर्वत्र सुरू‎आहे.‎ दरम्यान, सूत्रांच्या माहितीनुसार काँग्रेस ‘मध्य’‎अथवा ‘पूर्व’ या दोन्ही मतदारसंघांपैकी एका‎जागेवर मुस्लिम उमेदवार देणार आहे. त्यामुळे‎काँग्रेसने मुस्लिम उमेदवार दिल्यास‎मतविभाजनाची शक्यता आहे. त्यामुळे जलील‎ यांच्या मतदारसंघाच्या घोषणेचा निर्णय‎लांबणीवर टाकल्याची चर्चा आहे.‎ लोकसभा निवडणुकीत इम्तियाज जलील‎यांचा पराभव झाल्यानंतर जलील विधानसभा‎निवडणूक लढणार असल्याची चर्चा सुरू झाली‎होती. त्यानंतर असदुद्दीन ओवेसी यांनी पाच‎उमेदवारांची घोषणाही केली. मात्र,‎महिनाभरानंतरही जलील यांचा मतदारसंघ‎अजून ठरलेला नाही. शहरातल्या तीन जागांपैकी‎काँग्रेसने ‘मध्य’ आणि ‘पूर्व’ या दोन्हींपैकी एक‎मतदारसंघ मिळावा यासाठी आग्रही भूमिका‎घेतली आहे. यामध्ये काँग्रेसचे शहराध्यक्ष युसूफ‎शेख यांनी गेल्या काही दिवसांपासून ‘मध्य’मधून‎कामही सुरू केले आहेत. त्यामुळे दोन्हींपैकी एक‎मतदारसंघ काँग्रेसला सुटणार हे निश्चित आहे.‎त्यामुळे एकाच वेळी दोन उमेदवार समोरासमोर‎आले तर मतविभाजनाचा फटका बसू शकतो.‎ पक्षाच्या स्तरावर निर्णय होईल‎ पक्षाने उमेदवारी दिली असली तरी मतदारसंघ‎ कोणता याचा निर्णय पक्षाच्या पातळीवर घेतला ‎जाईल. ‘मध्य’, ‘पूर्व’ तसेच भिवंडी या तिन्ही‎ मतदारसंघातून निवडणूक लढवण्याची मागणी ‎आहे. -इम्तियाज जलील, प्रदेशाध्यक्ष,‎एमआयएम.‎ मध्यसाठी मागितली उमेदवारी‎ काँग्रेसने शहरातल्या तिन्ही मतदारसंघातील‎ जागांसाठी उमेदवारी अर्ज भरून घेतले आहेत.‎मध्यमधून दहा जणांनी अर्ज भरले आहेत.‎मध्यमधून निवडणूक लढवण्यासाठी इच्छुक आहे.‎गेल्या अनेक दिवसांपासून आम्ही लोकांच्या‎प्रश्नावर आंदोलनदेखील करत आहोत.‎ -युसूफ शेख, शहराध्यक्ष, काँग्रेस काँग्रेसने शहरातल्या तिन्ही जागांसाठी उमेदवारी अर्ज घेतले भरून‎ लोकसभा निवडणुकीत इम्तियाज यांना‎पूर्व मतदारसंघात सर्वाधिक मते‎मिळाली होती. पूर्वमध्ये इम्तियाज यांना‎८९१४३, तर खासदार संदिपान भुमरे‎यांना ६३२२८ आणि चंद्रकांत खैरे यांना‎३८३५० मते मिळाली होती. मध्य‎मतदारसंघात इम्तियाज यांना ८५९३७‎मते मिळाली होती. भुमरेंना ५९७४०‎आणि खैरे यांना ४३४८० मते मिळाली‎होती. विशेष म्हणजे इम्तियाज यांनी‎लोकसभा निवडणुकीनंतर पूर्व‎मतदारसंघातून चाचपणीदेखील केली ‎होती.‎