आरजी कार मेडिकल कॉलेज-हॉस्पिटलमधील महिला डॉक्टर बलात्कार आणि हत्या प्रकरणातील आराेपी संजय रॉय.File Photo
Published on
:
07 Oct 2024, 10:19 am
Updated on
:
07 Oct 2024, 10:19 am
पुढारी ऑनलाईन डेस्क : देशभरात खळबळ माजविणारे कोलकाता येथील आरजी कार मेडिकल कॉलेज-हॉस्पिटलमधील महिला डॉक्टर बलात्कार आणि हत्या प्रकरणी केंद्रीय अन्वेषण विभागाने (सीबीआय) आरोपपत्र दाखल केले आहे.
आरोपीने एकट्यानेच गुन्हा केला...
सीबीआयने दाखल केलेल्या आरोपपत्रात म्हटले आहे की, "आरजी कार मेडिकल कॉलेज आणि हॉस्पिटमध्ये पोलिसांसोबत नागरी स्वयंसेवक म्हणून काम करणाऱ्या संजय रॉय याने ९ ऑगस्ट २०२४ रोजी हा गुन्हा केला. पीडिता रुग्णालयाच्या सेमिनार रूममध्ये विश्रांती घेत असताना ही घटना घडली. हा गुन्हा एकट्या आरोपीनेच केला आहे."
पॉलीग्राफ चाचणीत आरोपीने घेतला यू-टर्न
पीडितेच्या मृतदेहाजवळ सापडलेल्या ब्लूटूथ उपकरणामुळे संजय रॉयला १० ऑगस्ट रोजी अटक करण्यात आली. त्याने पोलिसांसमोर गुन्ह्याची कबुली दिली. मात्र, त्याने पॉलीग्राफ चाचणी दरम्यान यू-टर्न घेतला. आपल्याला फसवले जात आहे. मी निर्दोष आहे, असा दावा त्याने केला होता. संजय रॉय हा कोलकाता पोलिसांच्या काही वरिष्ठ अधिकाऱ्यांचा निकटवर्ती होता. कोलकाता उच्च न्यायालयाने १३ ऑगस्ट रोजी आदेश दिला. कोलकाता पोलिसांकडून तपास सीबीआयकडे हस्तांतरित करणे.