जळगाव : आरोपीसह अवैध गावठी पिस्टल पोलिसांकडून जप्त

जळगाव : शहरामध्ये पोलीस पेट्रोलिंग सुरु असताना संशयित आरोपीला गावठी पिस्तूल व मॅक्झिनसह जळगाव येथे अटक करण्यात आली आहे. त्याच्याकडून बत्तीस हजार रुपयांचे शस्त्र जप्त करण्यात आले असून जळगाव शहर पोलीसात संशयित आरोपीविरुद्ध गुन्हा दाखल करण्यात आलेला आहे.

जळगाव शहरात पेट्रोलिंग दरम्यान मिळालेल्या गोपनीय बातमीच्या आधारे शनिवार (दि.23) रोजी रात्री 8.३५ वा जळगाव शहरातील उस्मानिया पार्क भागातील सवलत किराणा दुकानाजवळील मार्गावर आरोपी नमीर खान, आसीफ खान (वय १९, रा. काट्या फाईल जळगाव ह.मु.उस्मानीया पार्क जळगाव) याच्या ताब्यात एक गावठी बनावटीचा पिस्तोल मॅक्झीनसह अंदाजे 30 हजाराची व 2000 रु किंमतीची एक मॅग्झीन असे एकुण 32000 रुपये किंमतीचा मुद्देमाल विनापास परमिट शिवाय बेकायदेशीरपणे आरोपीच्या कब्ज्यात मिळून आला आहे. याप्रकरणी संशयित आरोपीस ताब्यात घेवून त्याचे विरुध्द गुन्हा दाखल करण्यात आला आहे. सदरची कारवाई ही पोलीस उप निरीक्षक दत्तात्रय पोटे, विजयसिंग पाटील, सुधाकर अंभोरे, अकरम शेख, राहुल पाटील सर्व स्थानिक गुन्हे शाखा पथकाने केली आहे.