टपाली मतपत्रिका वितरीत १० हजार:प्रत्यक्ष मतदान झाले अवघे ६ हजारच; यादीतून अनेकांची नावे गहाळ, मतपत्रिका मिळाल्या नसल्याच्या तक्रारी

विधानसभा निवडणुकीत कर्तव्यावर १० हजार ७०६ अधिकारी-कर्मचारी राहणार आहेत. त्यांना सध्या १० हजार २०२ टपाली मतपत्रिका वितरीत करण्यात आल्या असून, ६ हजार ११ जणांना मतदानाचा हक्क बजावल्याची माहिती सोमवारी प्रशासनाकडून पत्रकार परिषदेत देण्यात आली. मात्र, टपाली मतदानासाठी ईडीसी फॉर्म भरूनही यादीतून अनेकांची नावे गहाळ असल्याचे वंचितच्या नेत्यांचे म्हणणे असून त्यांनी अधिकाऱ्यांच्या ही बाब लक्षात आणून दिली आहे. तसेच अनेक कर्मचाऱ्यांना पाेस्टल बॅलेट मिळाले नसल्याने ते मतदानाच्या‎अधिकारापासून वंचित राहू शकतात, असे‎महाराष्ट्र राज्य जुनी पेन्शन संघटनेचे‎जिल्हाधिकाऱ्यांना सादर केलेल्या निवेदनात‎केली आहे. टपाली मतदान प्रक्रिया मंगळवारीही‎हाेणार असल्याचे प्रशासनाचे म्हणणे आहे.‎मतदान कर्तव्यावर एकूण १० हजार ७०६‎कर्मचारी अाहेत. यात असणारे ८ हजार ४३६‎मतदान कर्मचारी, २ हजार २७० पोलिस,‎होमगार्ड कर्मचाऱ्यांचा समावेश आहे. त्यांना‎टपाली मतदान करणे शक्य व्हावे, यासाठी‎नमुना १२ वितरित करण्यात आला होता. सर्व‎निवडणूक निर्णय अधिकाऱ्यांच्या स्तरावर‎मतदान सुविधा केंद्रात या सर्व मतदान‎कर्तव्यावरील कर्मचाऱ्यांचे मतदान‎नोंदवण्याची प्रक्रिया सुरू आहे.‎ काय आहे पत्रात? निवडणूक कर्तव्यावर‎असलेल्या कर्मचाऱ्यांना पाेस्टल बॅलेट उपलब्ध‎न झाल्याबाबत महाराष्ट राज्य जुनी पेन्शन‎संघटनेने जिल्हाधिकाऱ्यांना पत्र दिले.‎लाेकसभा निवडणुकीतही कर्तव्यावर‎असलेल्या काही अधिकारी- कर्मचाऱ्यांना‎मतदानापासून वंचित राहावे लागले हाेते. आता‎विधानसभा निवडणुकीतही बऱ्याच‎कर्मचाऱ्यांना पाेस्टल बॅलेट उपलब्ध झालेले‎नाही. त्यामुळे त्यांना पाेस्टल बॅलेट उपलब्ध‎करून द्यावे, असेही पत्रात नमूद केले आहे.‎ सुविधा केंद्र सुरू; आज राहणार कार्यान्वित आतापर्यंत सुविधा केंद्रांवर ६ हजार ११ जणांनी मतदानाचा हक्क बजावला आहे. उर्वरित निवडणूक कर्तव्यावर नियुक्त कर्मचाऱ्यांनी निवडणूक निर्णय अधिकारी यांच्या स्तरावरील सुविधा केंद्रात जाऊन मतदान करावे, असे आवाहन जिल्हा निवडणूक अधिकाऱ्यांकडून करण्यात आले आहे. हे सुविधा केंद्र १९ नोव्हेंबरपर्यंत कार्यान्वित राहणार आहे.