यंदा मान्सून राज्यातून दरवर्षीच्या तुलनेत लवकर माघारी परतणार आहे. मात्र, त्यापाठोपाठ अवकाळी पाऊस सुरू होईल, असा अंदाज हवामान विभागाने दिला आहे. अवकाळी पावसाचा मुक्काम थेट डिसेंबरपर्यंत राहणार असून, 115 टक्के बरसण्याचा अंदाज आहे. हा अवकाळी पाऊस ऑक्टोबरच्या तिसर्या आठवड्यात सुरू होण्याची शक्यता आहे. याचे कारण ला-निना तटस्थ अवस्थेतून सक्रिय अवस्थेकडे जात आहे.
दरवर्षी मान्सून राज्यातूून साधारणपणे 5 किंवा 6 ऑक्टोबरला निघतो. तो 15 ते 18 ऑक्टोबरपर्यंत बरसून मग पुढे दक्षिण भारतात जातो. त्यानंतर पावसाचा मोठा खंड असतो. नोव्हेंबरमध्ये दिवाळीत बहुतांशवेळा हलक्या सरी पडतात. मात्र, हा पाऊस साधारण 30 ते 50 मिमी इतका असतो. मात्र, यंदा मान्सून परतल्यावर लगेच अवकाळी पाऊस सुरू होत आहे.