पुणे क्राईम जगत:विभक्त राहत असलेल्या पत्नीवर पतीकडून धारदार ब्लेडने हल्ला

काैटुंबिक वादातून ३५ वर्षीय एक महिला पतीपासून मागील काही दिवसांपासून विभक्त राहत हाेती. त्यामळे पतीने बाहेरुन दारु पिऊन पत्नीकडे जात तिला तू माझ्यासाेबत रहा अशी बळजबरी केली. त्यामुळे महिलेने त्यास विराेध केला असता त्याचा राग पतीला येऊन त्याने चिडून जाऊन पत्नीला वाईट वाईट शिवीगाळ करुन शर्टच्या खिशातील धारदार ब्लेड बाहेर काढून त्याने पत्नीच्या शरीरावर वार करुन तिला जखमी करुन पसार झाला आहे. या घटनेत रेखा संताेष चाैधरी (वय-३५,रा.वडगाव,पुणे) ही महिला जखमी झाली असून तिचा पती सतीश संताेष चाैधरी (३७) याच्यावर सिंहगड पाेलिस ठाण्यात गुन्हा दाखल करण्यात आला आहे. पाेलिसांनी दिलेल्या माहितीनुसार, वडगाव परिसरात एका इमारतीत महिला एकटेच पतीपासून विभक्त हाेऊन राहत हाेती. तिचा पती सतीश चाैधरी याने बाहेरुन दारु पिऊन येत तिला तू येथून काेठेही जायचे नाही, पत्ता बदलयाचा नाही, मी रुम पाहताे तिकडे आपण जाऊन एकत्र राहू असे म्हणत तिच्या जवळ आला. त्यामुळे महिलेने त्यास विराेध केला असता आराेपीने चिडुन जाऊन तिला वाईट शिवीगाळ करुन त्याचे शर्टच्या खिशातील ब्लेडने तिच्या उजवे कानाचे खालील बाजुस, मानेजवळ हनुवटीवर, डावे हाताचे अंगठ्यावर, डावे हाताचे मनगटाजवळ ब्लेडने वार करुन तिला जखमी करुन पळून गेला आहे. आराेपीचा शाेध पाेलिस घेत असल्याची माहिती वरिष्ठ पाेलीस निरीक्षक राघवेंद्र क्षिरसागर यांनी दिली आहे. हाताचा धक्का लागल्याने तरुणास मारहाण पर्वती येथे राहणारा किरण लक्ष्मण भालेराव (वय-२९) हा तरुण घराजवळून पायी चालत जात असताना त्याच्या हाताचा धक्का अक्षय देवकुळे (वय-२५,रा.जनता वसाहत) या तरुणास लागला. या रागातू अक्षय व त्याचे मित्र अनिकेत कांबळे (३०) व सँडी या दाेघांनी मिळून तरुणास शिवीगाळ करुन लाथाबुक्क्यांनी मारहाण केली. तसेच अक्षय याने किरण याच्या डाेक्यात फरशीचा तुकडा मारुन त्यास गंभीर दुखापत केली आहे. सदर भांडणे साेडविण्यास आलेले तक्रारदार याचे मित्र संग्राम पाटाेळे व मंगेश शिंदे यांना सुध्दा आराेपींनी शिवीगाळ करुन हाताने व फरशीने मारहाण केली आहे.