लंडनच्या कॉन्व्हेंट्री विद्यापीठातून मास्टर ऑफ सायन्स पदवी परीक्षा उत्तीर्ण:शिंगणापूर येथील वैष्णवी घोरपडे हिने घेतली लंडनच्या विद्यापीठाकडून पदवी

तालुक्यातील शिंगणापूर येथील वैष्णवी भरत घोरपडे हिने युनायटेड किंगडम (लंडन) येथील कॉन्व्हेंट्री विद्यापीठातून मास्टर ऑफ सायन्स अभ्यासक्रमांत विशेष गुणवत्तेत उत्तीर्ण होत डिग्री मिळवली आहे. वैष्णवी घोरपडे हिने संजीवनी इंजिनियरींग कॉलेजमधून सिव्हील इंजिनियरिंगची डिग्री विशेष प्रावीण्यासह मिळवली. लहानपणापासून वैष्णवी हिस अभ्यासाबरोबर खेळाची आवड आहे. तिने कराटे स्पर्धेत पुणे, गोवा, नेपाळ यासह विविध ठिकाणच्या स्पर्धा गाजवत अनेक बक्षिसे पटकावली. मुलांनी शिक्षण घेवुन मोठे व्हावे ही अपेक्षा तिचे मामा शंकरराव राजाराम शिंदे (राहुरी कृषी विद्यापीठ सेवानिवृत्त अधिकारी) यांनी बाळगली होती. त्याप्रमाणे आई प्राजक्ता भरत घोरपडे व वडील भरत एकनाथ घोरपडे यांनी आपल्या मुलांना पडेल ते कष्ट सोसत लहानाचे मोठे करत उच्च शिक्षण दिले. तिच्या या यशाबद्दल संजीवनी उद्योग समूहाचे अध्यक्ष बिपीन कोल्हे, संजीवनी एज्युकेशन सोसायटीचे अध्यक्ष नितीन कोल्हे, माजी आमदार स्नेहलता कोल्हे, संजीवनी ग्रूप ऑफ इन्स्टीट्युटचे कार्यकारी विश्वस्त अमित कोल्हे, इफकोचे संचालक विवेक कोल्हे, स्वाध्याय परिवार आदींनी अभिनंदन केले. वैष्णवी ही सहकारमहर्षी शंकरराव कोल्हे सहकारी साखर कारखान्याचे टेलिफोन ऑपरेटर लक्ष्मण घोरपडे यांची पुतणी आहे.