संजय शिरसाट यांच्या मुलाच्या गाडीवर गोलवाडीत दगडफेक:रात्री 11 वाजता घडलेली घटना; सातारा ठाण्यात तक्रार दाखल

गोलवाडी येथे आमदार संजय शिरसाट यांच्या मुलाच्या गाडीवर रात्री ११ वाजेच्या सुमारास अज्ञाताने दगडफेक केली. निवडणुकीच्या पूर्वसंध्येला पैसे वाटपाचे व्हिडिओ व्हायरल होणे, स्थिर पथकाद्वारे ठिकठिकाणी कॅश जप्त होणे, राजकीय नेत्यांचे आरोप-प्रत्योराप सुरू असतानाच मंगळवारी रात्री ही घटना घडली. पोलिस उपायुक्तांनी घटनास्थळी पाहणी केली. त्यामुळे हा प्रकार नियंत्रणात आला. सातारा ठाण्यात यासंदर्भात तक्रार दिली आहे. शिरसाट यांचे पुत्र सिद्धांत गोलवाडी फाट्यावरून लिंकरोड येथील त्यांच्या फॉर्महाऊसकडून येत होते. गाडीत त्यांच्यासह ४-५ कार्यकर्तेही होते. आमदारांच्या नावाचे स्टिकर असलेल्या या कारवर मोठा दगड फेकला. दोन्ही उमेदवारांची चौकशीची मागणी आपण ३ निवडणुका लढलो आहे, पण असा प्रकार झाला नाही. नाशिक, नगर, पुण्यातील काही लोक शहरात दहशत पसरवत आहेत. या प्रकाराची चौकशी करावी, अशी मागणी संजय शिरसाट यांनी केली. तर, दगडफेकीची घटना गंभीर असून, त्याची सीआयडी चौकशी करावी, अशी मागणी उद्धवसेनेचे उमेदवार राजू शिंदे यांनी केली.