संजय शिरसाट यांच्या मुलाच्या गाडीवर दगडफेक:शिरसाट म्हणाले - माझ्या पत्नीच्या गाडीचाही पाठलाग करण्यात आला, काही अज्ञातांचा शहरात वावर

संजय शिरसाट यांचा मुलगा सिद्धांत शिरसाट यांच्या मुलाच्या गाडीवर अज्ञातांकडून दगडफेक करण्यात आली आहे. दगडफेकीत सिद्धांतच्या गाडीचं मोठ्या प्रमाणात नुकसान झालं आहे. संभाजीनगरच्या पश्चिम विधानसभा मतदारसंघात ही दगडफेक झाली आहे. सुदैवाने या दगडफेकीत कुणालाही दुखापत झालेली नाही. या घटनेची माहिती मिळताच घटनास्थळी लोकांनी गर्दी केली. यावेळी संजय शिरसाटदेखील घटनास्थळी दाखल झाले. माझ्या पत्नीच्या गाडीचाही पाठलाग करण्यात आला - संजय शिरसाट दगफेकीबद्दल बोलतांना शिरसाट म्हणाले की, ज्या पद्धतीने राज्यात गुंडगिरी, धमकावणे हा प्रकार सुरू आहे. असे मी यापूर्वी कधीही पाहिले नाही. हा प्रकार इतका वाढलाय की आज माझ्या मुलाच्या गाडीवर दगडफेक करण्यात आली. दगड एवढा मोठा आहे की, एखाद्याचा यात जागीच मृत्यू झाला असता. मी पोलिस कमिश्नरलाही यापूर्वी सांगितले होते की, पुणे, नगर आणि नाशिकचे काही लोक या शहरात फिरत आहेत. दोन दिवसांपूर्वी माझ्या पत्नीच्या गाडीचाही या अज्ञातांकडून पाठलाग करण्यात आल्याचेही शिरसाट यांनी सांगितले. तसेच, दोन ब्लॅक स्कार्पिओदेखील या शहरात फिरत असल्याचे ते म्हणाले. ही बातमी आम्ही सतत अपडेट करतोय...