પાલઘર જિલ્લામાં ‘ત્રીજા મુંબઈ’નું નિર્માણ કરવાનો મહારાષ્ટ્ર સરકારનો માસ્ટર પ્લાન…

મુંબઈ: દેશના સૌથી મોટા પોર્ટ સાબિત થનારા વાઢવણ પાસે વધુ એક શહેર વસાવવાની યોજના છે. પ્રસ્તાવિત પોર્ટને કારણે વિકાસની સંભાવના ધ્યાનમાં રાખીને રાજ્ય સરકારે 13 ગામમાં 33.88 ચોરસ કિલોમીટર જમીન વિસ્તારમાં વિકાસ કેન્દ્ર તૈયાર કરવાનો નિર્ણય લીધો છે.

Also work : એકનાથ શિંદેનો દેવેન્દ્ર ફડણવીસ સાથે વિવાદ?નાયબ મુખ્ય પ્રધાને આપ્યો રદિયો: બધું સમુસૂતરું હોવાનો દાવો…

જો કે મહારાષ્ટ્ર સ્ટેટ રોડ ડેવલપમેન્ટ કોર્પોરેશન (એમએસઆરડીસી)એ હવે 107 ગામના 512 ચોરસ કિલોમીટર વિસ્તારને વિકાસ કેન્દ્રમાં સમાવવાની દરખાસ્ત તૈયાર કરી છે. જો આ પ્રસ્તાવને મંજૂરી મળી જાય તો મુંબઈ અને નવી મુંબઈ પછી વધુ એક ‘મુંબઈ’ વાઢવણ પાસે જ તૈયાર થઈ શકે છે.

એમ.એસ.આર.ડી.સી. મુંબઈ એરપોર્ટ પર 388 કિલોમીટર લાંબા કોંકણ એક્સપ્રેસવે અને 498 કિલોમીટર લાંબા રેવસ – રેડી કોસ્ટલ રોડ તૈયાર કરશે. આ પ્રોજેક્ટ અંતર્ગત 105 ગામમાં 449.3 ચોરસ કિ.મી. ક્ષેત્રમાં 13 વિકાસ કેન્દ્ર હશે. આ વિકાસ કેન્દ્રોમાં વાઢવણ વિકાસ કેન્દ્રનો પણ સમાવેશ થાય છે.

Also work : કાંદિવલીના રહેવાસીઓએ જાતે જ દાયકા જૂની ટ્રાફિકની સમસ્યાનો અંત લાવ્યા

એમ.એસ.આર.ડી.સી.ના સૂત્રોએ જણાવ્યું હતું કે દરખાસ્તની મંજૂરીની રાહ જોવાઇ રહી છે. તૈયાર થયા પછી વાઢવણ વિશ્વના ટોચના 10 વિશાળ બંદર પૈકી એક હશે. આ બંદર ભવિષ્યમાં પાલઘરના વિકાસ અને વિકાસને વેગ આપશે. આ બાબતને ધ્યાનમાં રાખીને અહીં અનેક સુવિધા વિકસાવવાની જરૂર હોવાથી સરકારે વાઢવણ વિકાસ કેન્દ્ર સ્થાપવાનો નિર્ણય કર્યો હતો.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને