પીએમ મોદીએ ત્રણવાર ચરણસ્પર્શ કર્યા એ યુવા નેતાને ઓળખો

નવી દિલ્હીઃ દિલ્હી વિધાનસભા ચૂંટણીનું કાઉન્ટ ડાઉન શરૂ થઈ ગયું છે. પાંચમી ફેબ્રુઆરીએ મતદાન છે. દરેક રાજકીય પક્ષ પોતાની પૂરી તાકાત લગાવી રહ્યો છે. વડાપ્રધાન નરેન્દ્ર મોદી પણ દિલ્હીમાં ભાજપ માટે પ્રચાર રેલી કરી રહ્યા છે. હાલમાં તેઓ દિલ્હી ખાતે એક રેલીમાં સામેલ થવા માટે સ્ટેજ પર પહોંચ્યા ત્યારે તેમણે ભાજપના ઉમેદવાર રવિન્દ્રસિંહ નેગીના ત્રણવાર ચરણ સ્પર્શ કર્યા હતા.

પીએમ મોદીએ રવિન્દ્ર નેગીના ત્રણ વાર ચરણ સ્પર્શ કર્યાઃ-
પીએમ મોદી જાહેર સભાના મંચ પર ભાજપના ઉમેદવારોનો પરિચય કરાવી રહ્યા હતા. તે દરમિયાન જ્યારે તેઓ પટપડગંજ વિધાનસભા ક્ષેત્રના ઉમેદવાર રવિન્દ્ર નેગી પાસે પહોંચ્યા હતા, ત્યારે તેમણે વડાપ્રધાનના ચરણ સ્પર્શ કર્યા હતા. આના પર વડાપ્રધાને તેમના ત્રણવાર ચરણ સ્પર્શ કર્યા હતા. આ વિડીયો સોશિયલ મીડિયા પર ઘણો વાયરલ થઈ રહ્યો છે. વડાપ્રધાન મોદી ઘણીવાર કોઈ વૃદ્ધ મહિલા કે પુરુષના ચરણસ્પર્શ કરતા જોવા મળે છે, પરંતુ આ કદાચ પહેલી વાર હતું કે તેમણે કોઈ યુવાન નેતાના ચરણ સ્પર્શ કર્યા હોય. આ વીડિયોને લોકો ઘણો લાઈક કરી રહ્યા છે અને વડાપ્રધાનને નમ્રતાની પ્રશંસા કરી રહ્યા છે.

કોણ છે રવિન્દ્ર નેગીઃ-
રવિન્દ્ર નેગી ઉતરાખંડના છે અને પટપડગંજ વિધાનસભા મત વિસ્તારમાં આવેલા વિનોદ નગર વોર્ડ-198 ના કોર્પોરેશન કાઉન્સિલર છે. તેમની ગણતરી ભાજપના યુવા અને તેજતરાર નેતામાં થાય છે. તેમણે પટપડગંજ સીટ પરથી ચૂંટણી લડીને મનીષ સિસોદિયાને સખત પડકાર આપ્યો હતો. આ વખતે આમ આદમી પાર્ટીએ તેમની સામે અવધ ઓઝાને મેદાનમાં ઉતાર્યા છે.

આ પણ વાંચો…યમુનામાં ઝેરના નિવેદન પર કેજરીવાલે ચૂંટણી પંચને રજૂ કર્યો જવાબ; જાણો શું કહ્યું જવાબમાં…

આ રેલીમાં પીએમ મોદીએ કેજરીવાલ અને તેમની આમ આદમી પાર્ટી પર આકરા પ્રહારો કર્યા હતા તેમણે આમ આદમી પાર્ટીના નેતાઓની સરખામણી સીરીયલ કિલર ચાર્લ્સ શોભરાજ સાથે કરી હતી જે લોકોને છેતરવામાં પાવરધો હતો

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને