తల్లిదండ్రులూ బీ కేర్‌ఫుల్.. చిన్నారుల్లో మానసిక సంఘర్షణ.. ఈ 5 విషయాలను తప్పనిసరిగా తెలుసుకోండి..

నేటి ఉరుకు పరుగుల జీవితం.. ఆధునిక జీవనశైలి.. యువత జీవితాల్లో మానసిక ఒత్తిడిని వేగంగా పెంచుతోంది. టీనేజర్లు, యువకులు ఒత్తిడిని ఎక్కువగా అనుభవిస్తున్నట్లు వైద్య నిపుణులు హెచ్చరిస్తున్నారు. ముఖ్యంగా చిన్నారుల్లో మానసిక ఒత్తిడి కనిపించడం ఆందోళనకరంగా మారింది. దీనికి ప్రధాన కారణం పాఠశాల, కళాశాలల ఒత్తిడి, సోషల్ మీడియా డిమాండ్, సమాజంలో తమ స్వంత గుర్తింపును సృష్టించడానికి మానసికంగా సంఘర్షణకు గురవుతూ.. పోరాడుతున్నారని వైద్య నిపుణలు చెబుతున్నారు.. తల్లిదండ్రులు ఈ సవాళ్లను అర్థం చేసుకోవడం.. వారి పిల్లలు ఈ ఒత్తిడి నుంచి బయటపడటానికి సహాయం చేయడం చాలా ముఖ్యమని చెబుతున్నారు. పిల్లల్లో మానసిక ఒత్తిడి.. దాని నుంచి బయటపడేందుకు తల్లిదండ్రులు పాటించాల్సిన లేదా గుర్తు చేసుకోవాల్సిన ముఖ్యమైన విషయాలు ఏంటో ఇప్పుడు తెలుసుకుందాం..

1 / 6

బహిరంగ సంభాషణను అలవాటును పెంపొందించుకోండి: మీ పిల్లలతో బహిరంగ.. నిజాయితీతో కూడిన సంభాషణలు చేయండి. మీరు వారితో ఉన్నారని వారికి అనిపించేలా చేయండి.. వారు మీతో ఏదైనా పంచుకోవచ్చు.. అనే భరోసానివ్వండి.. పిల్లలు చెప్పేది ఓపికగా వినండి. వెంటనే సలహాలు లేదా నిర్ణయాలు ఇవ్వకండి. వారు తమ భావాలను స్వేచ్ఛగా వ్యక్తీకరించగలిగే జడ్జిమెంట్-ఫ్రీ జోన్‌ను సృష్టించండి.

2 / 6

Children Mental Health

3 / 6

ఒత్తిడిని తగ్గించడంలో సహాయపడండి: ఈ రోజుల్లో పిల్లలు చదువులు, పాఠ్యేతర కార్యక్రమాలలో బిజీగా ఉన్నారు. ఈ ఒత్తిడిని తగ్గించడంలో సహాయం చేయడం తల్లిదండ్రుల కర్తవ్యం. చదువుతో పాటు వారి స్నేహితులు, వినోదం కోసం సమయాన్ని వెచ్చించగలిగేలా ఆరోగ్యకరమైన సమతుల్యతను సాధించేలా వారిని ప్రేరేపించండి.

4 / 6

స్క్రీన్ సమయాన్ని పరిమితం చేయండి: సోషల్ మీడియా- టెక్నాలజీని అధికంగా ఉపయోగించడం మానసిక ఆరోగ్యంపై కూడా ప్రతికూల ప్రభావాన్ని చూపుతుంది. ఫోన్, టీవీ స్క్రీన్ సమయాన్ని పరిమితం చేయండి.. ముఖాముఖి పరస్పర చర్యలకు పిల్లలను ప్రోత్సహించండి. వాస్తవ ప్రపంచంలో వ్యక్తులను కలవడానికి, వారితో సమయం గడపడానికి వారిని ప్రోత్సహించండి.

5 / 6

మీ పిల్లల్లో మానసిక సమస్య ఉన్నట్లు మీకు అనిపిస్తే, ఎలాంటి ఆలస్యం చేయకుండా ప్రొఫెషనల్ కౌన్సెలర్ లేదా సైకాలజిస్ట్ నుంచి సహాయం పొందండి. సరైన సమయంలో అందించిన సహాయం పిల్లల మానసిక ఆరోగ్యాన్ని మెరుగుపరుస్తుంది. వారి భవిష్యత్తుకు బలమైన పునాదిని సృష్టిస్తుంది.. కావున తల్లిదండ్రులు ఈ విషయాలపై దృష్టిసారించడం మంచిదని మానసిక ఆరోగ్య నిపుణులు చెబుతున్నారు.

6 / 6