దేవుడికి మొక్కు కోసం కోడిని తీసుకుని వెళ్తున్న వ్యక్తి ప్రమాదంలో మృతి .. రెండు రోజులైనా సంఘటనా స్థలం నుంచి కదలని కోడి

దక్షిణ కన్నడ జిల్లా కడబ్ తాలూకాలోని పులికుక్కులో రోడ్డుమీద వెళ్తున్న ఓ స్కూటీపై చెట్టు పడింది. దీంతో స్కూటీపై ప్రయాణిస్తున్న వ్యక్తీ అక్కడిక్కడే మృతి చెందాడు. మృతుడు ఎడమమంగళ గ్రామానికి చెందిన దేవస్య నివాసి సీతారామగౌడ్ గా గుర్తించారు. మృతుడు సీతారామ గౌడ్ తన ఇంట్లో జరగనున్న శుభకార్యం కోసం కోడిని ఇంటికి తీసుకెళ్తుండగా ఈ ప్రమాదం జరిగింది. సీతారామగౌడ్ తీసుకుని వెళ్తున్న కోడి కాళ్లను తాళ్ళతో కట్టివేశాడు. దీంతో ఈ ప్రమాదం జరిగిన సమయంలో తాళ్లతో కట్టి ఉన్న కోడి ఆ మృతదేహం దగ్గర ఉండిపోయింది. సంఘటనా స్థలానికి చేరుకున్న ప్రజలు కోడిని చూసి దాని కాలికి కట్టిన తాడును విప్పారు.

సంఘటనా స్థలంలో గుమిగూడిన ప్రజలు ఆ కోడిని చెదరగొట్టడంతో సమీపంలోని అడవిలోకి వెళ్ళిపోయింది. మళ్ళీ కొంత సమయం తర్వాత ప్రమాదం జరిగిన స్థలంలోకి తిరిగి వచ్చింది. పాడైపోయిన సీతారామ స్కూటర్ మీదకు వచ్చి కూర్చువోడం మొదలు పెట్టింది. ఆ స్కూటర్ దగ్గరకు ఎవరైనా వస్తే సమీపంలోని చెట్టు కొమ్మపైకి చేరుకొని ఆశ్రయం పొందడం మొదలు పెట్టింది. ఇలా గత రెండు రోజులుగా జరుగుతూనే ఉంది. సీతారామ్ మరణించి రెండు రోజులు గడిచినా కోడి ఆ ఘటనా స్థలం నుంచి ఎక్కడికి వెళ్ళడం లేదు. దీంతో ప్రజలు అయోమయానికి గురి అవుతున్నారు. ఎందుకంటే ఈ కోడిని దేవుడికి మొక్కుని చెల్లించడానికి మృతుడు తీసుకుని వెళ్తున్నాడు.

ఇవి కూడా చదవండి

మరిన్ని జాతీయ వార్తల కోసం ఇక్కడ క్లిక్ చేయండి..