నాని విషయంలో నో కాంప్రమైజ్.. భయమెరగని టాలీవుడ్ నిర్మాతలు..

సినిమా సినిమాకు కలెక్షన్లు పెరుగుతున్నపుడు కాన్ఫిడెన్స్ లెవల్స్ కూడా పెరుగుతాయి. నాని విషయంలో ఇదే జరుగుతుందిప్పుడు. నిన్నమొన్నటి వరకు కథ డిమాండ్ చేసినా.. మార్కెట్ గురించి ఆలోచించి బడ్జెట్ దగ్గర వెనకడుగు వేసిన నిర్మాతలు ఇప్పుడు ఫ్రీ హ్యాండిస్తున్నారు. నాని నెక్ట్స్ సినిమాల బడ్జెట్ ఊహకు కూడా అందట్లేదు. అంత నమ్మడానికి కారణమేంటి..? సినిమా సినిమాకు నాని రేంజ్ పెరుగుతుంది. మీడియం రేంజ్ హీరోలలో 100 కోట్ల హీరోగా మారిపోతున్నారు న్యాచురల్ స్టార్. దసరా, హాయ్ నాన్న, సరిపోదా శనివారంతో హ్యాట్రిక్ అందుకున్నారు నాని. దాంతో నిర్మాతల్లో బడ్జెట్ భయాలు మెల్లగా తగ్గిపోతున్నాయి.

ప్రస్తుతం సొంత నిర్మాణంలో చేస్తున్న హిట్ 3 కోసం దాదాపు 70 కోట్లు ఖర్చు పెడుతున్నారు నాని. నాని తర్వాతి సినిమాల బడ్జెట్ కూడా భారీగానే ఉండబోతుంది. దసరా ఫేమ్ శ్రీకాంత్ ఓదెలతో చేయబోయే ప్రాజెక్ట్ బడ్జెట్ 100 కోట్ల వరకు ఉండబోతుంది. ఈ సినిమా షూటింగ్ కూడా మొదలైపోయింది. ఈ మధ్యే గ్రాండ్‌గా సినిమాను ఓపెన్ చేసారు. పాన్ ఇండియన్ స్థాయిలోనే నాని ఓదెల సినిమా రాబోతుంది. దీనికి పారడైజ్ అనే టైటిల్ కన్ఫర్మ్ అయింది. నాని లైనప్ చాలా బలంగా ఉంది. ఈయన తర్వాతి సినిమా సుజీత్‌తో ఉండబోతుంది.. అలాగే శ్రీకాంత్ ఓదెల, శైలేష్ కొలను సినిమాలు సెట్స్‌పై ఉన్నాయి. వీటిలో ఏ సినిమాకు బడ్జెట్ లిమిటేషన్స్ లేవు. మొత్తానికి బడ్జెట్ విషయంలో నో కాంప్రమైజ్ అంటున్నారు న్యాచురల్ స్టార్. మినిమమ్ గ్యారెంటీ కావడంతో నిర్మాతలు కూడా సై అంటున్నారు.

మరిన్ని సినిమా వార్తల కోసం ఇక్కడ క్లిక్ చేయండి