నేమ్ ఛేంజ్ అయితే ఫేట్ మారుతుందా ?? తాజాగా పేరు మార్చుకున్న మరొక హీరో

పేరులో ఏముంది.. మనకు రాసిపెట్టుండాలి గానీ అనుకుంటారు కొందరు. కానీ పేరులోనే అంతా ఉందని నమ్ముతుంటారు మరికొందరు. ఇండస్ట్రీలో ఈ సెంటిమెంట్ ఇంకాస్త ఎక్కువే. అందుకే ఉన్న పేర్లు కాదని.. కొత్త పేర్లు పెట్టుకుంటున్నారు హీరోలు. ఈ మధ్య మరో హీరో కూడా పేరు మార్చుకున్నాడు. మరి నేమ్ ఛేంజ్ అయితే ఫేట్ మారుతుందా..?

1 / 5

సినిమా ఇండస్ట్రీలో పేరు మార్చుకోవడం అనేది చాలా కామన్ థింగ్. కాకపోతే మొదట్లోనే నేమ్ ఛేంజ్ చేసుకుంటారు చాలా మంది. కానీ కొందరు మాత్రం ఇండస్ట్రీకి వచ్చాక.. గుర్తింపు తెచ్చుకున్నాక పేరు మార్చేస్తుంటారు. ఈ బ్యాచ్‌లోనే చేరిపోయారు పూరీ జగన్నాథ్ తనయుడు ఆకాశ్ పూరీ. ఈయన తన పేరును ఆకాశ్ జగన్నాథ్‌గా మార్చుకున్నారు.

2 / 5

చైల్డ్ ఆర్టిస్టుగా పరిచయమైన ఆకాశ్ పూరీ.. మెహబూబాతో హీరో అయ్యారు. రొమాంటిక్, ఛోర్ బజార్ లాంటి సినిమాలు చేసినా లక్ కలిసిరాలేదు. దాంతో ఆకాశ్ పూరీ నుంచి ఆకాశ్ జగన్నాథ్‌గా తన పేరు మార్చుకుంటున్నట్లు ప్రకటించారు.

3 / 5

ఈ మధ్యే సాయి ధరమ్ తేజ్ సైతం తన పేరు సాయి దుర్గ తేజ్‌గా మార్చుకున్నారు. అమ్మ పేరు దుర్గ కావడంతో.. ఆ పేరును తన పేరులో చేర్చుకున్నారు.ఆల్రెడీ సాయి ధరమ్ తేజ్‌గా ఉన్న తన పేరును సాయి తేజ్‌గా మార్చుకున్న మెగా మేనల్లుడు.. మరో మార్పు చేసి సాయి దుర్గ తేజ అయ్యారు.

4 / 5

అప్పట్లో కథ సినిమాతో హీరోగా పరిచయమైన అదిత్ అరుణ్ కూడా త్రిగుణ్‌గా తన పేరు మార్చుకున్నారు. వీళ్లందరి కంటే ముందే తన పేరు నుంచి తేజ్ తీసేసారు రామ్ చరణ్. మొత్తానికి హీరోల పేరు మార్పు ట్రెండ్ అయిపోయిందిప్పుడు.

5 / 5