హీరోలకు మించిన ప్లానింగ్ లో దర్శకులు.. ఫుల్ బిజీగా ఉన్న టాలీవుడ్

హీరోలు మాత్రమే కాదు దర్శకులు కూడా పక్కా ప్లానింగ్‌తో ఉన్నారు. ఓ సినిమా సెట్స్ మీద ఉండగానే నెక్ట్స్ ప్రాజెక్ట్స్‌ను ఫైనల్ చేసేస్తున్నారు. అవసరమైతే ఒకేసారి రెండు మూడు ప్రాజెక్ట్స్‌ను లైన్‌లో పెడుతున్నారు. దీంతో టాలీవుడ్ బాక్సాఫీస్‌ ఫుల్ బిజీగా కనిపిస్తోంది.

1 / 5

ప్రజెంట్ పుష్ప 2 పనుల్లో బిజీగా ఉన్న సుకుమార్‌, ఆ తరువాత చేయబోయే సినిమాల విషయంలో ఆల్రెడీ క్లారిటీ ఇచ్చారు. చాలా రోజుల కిందటే విజయ్‌ దేవరకొండ్ హీరోగా ఓ సినిమాను ఎనౌన్స్ చేశారు. రామ్ చరణ్‌తోనూ ఓ ప్రాజెక్ట్ ఉంటుందని చెప్పారు. తాజాగా పుష్ప 3 విషయంలోనూ హింట్స్ ఇస్తున్నారు. లైనప్‌ ఎలా ఉంటుందన్న క్లారిటీ లేకపోయినా... సుకుమార్ కిట్టీలో మూడు సినిమాలు కనిపిస్తున్నాయి.

2 / 5

సలార్‌ లాంటి బిగ్ హిట్ తరువాత బ్రేక్ తీసుకున్న ప్రశాంత్ నీల్‌, ఒకేసారి రెండు సినిమాల షూటింగ్స్ చేసేలా ప్రిపేర్ అవుతున్నారు. ప్రభాస్ బర్త్‌ డే సందర్భంగా సలార్‌ 2ను పట్టాలెక్కించిన కన్నడ దర్శకుడు, త్వరలో ఎన్టీఆర్ మూవీని కూడా స్టార్ట్ చేయబోతున్నారు. ఈ రెండు సినిమాల షూటింగ్స్ ప్యారలల్‌గా చేసేలా షెడ్యూల్స్ ప్లాన్ చేశారు.

3 / 5

ఈ మధ్య శంకర్ కూడా ఇదే ట్రెండ్ ఫాలో అయ్యారు. భారతీయుడు 2, భారతీయుడు 3, గేమ్ చేంజర్ సినిమాల కోసం ప్యారలల్‌గా వర్క్ చేశారు. ఆల్రెడీ భారతీయుడు 2 ఆడియన్స్ ముందుకు వచ్చేసింది. ఇప్పుడు భారతీయుడు 3, గేమ్ చేంజర్‌ సినిమాల పోస్ట్ ప్రొడక్షన్‌ వర్క్ జరుగుతోంది.

4 / 5

అందరికంటే ఎక్కువ ప్రాజెక్ట్స్ హ్యాండిల్ చేస్తున్న దర్శకుడు ప్రశాంత్‌ వర్మ. హనుమాన్ సక్సెస్‌ తరువాత ప్రశాంత్ వర్మ సినిమాటిక్ యూనివర్స్‌ను ఎనౌన్స్ చేసిన ప్రశాంత్‌, ఆ లైనప్‌లో నాలుగైదు సినిమాలను సిద్ధం చేస్తున్నారు. వీటిలో కొన్ని సినిమాలకు స్వయంగా దర్శకత్వం వహిస్తున్న యంగ్ డైరెక్టర్‌, మరికొన్ని సినిమాలకు రచయితగా, నిర్మాతగా వ్యవహరిస్తున్నారు. ఇలా దర్శకులు కూడా మల్టిపుల్ ప్రాజెక్ట్స్‌తో బిజీగా ఉండటంతో బాక్సాఫీస్‌ కళకళలాడుతోంది.

5 / 5