नितीन राऊत यांच्या कारला अपघात

काँग्रेसचे माजी मंत्री आणि नागपूर उत्तरचे उमेदवार नितीन राऊत यांच्या कारचा अपघात झाला. प्रचार करून ते घरी परतत असतानाही ही दुर्दैवी घटना घडली. नितीन राऊत यांच्या कारला एका ट्रकने नागपुरातील ऑटोमोटिव्ह चौकात धडक दिली. सुदैवाने या अपघातात नितीन राऊत यांना कोणतीही इजा किंवा दुखापत झालेली नाही. या प्रकरणी नागपुरातील कपिलनगर परिसरात ट्रक चालकाविरोधात गुन्हा दाखल करण्यात आला.