IND vs AUS: ఆస్ట్రేలియాతో తొలి టెస్ట్ మ్యాచ్‌కి రోహిత్ శర్మ దూరం.. కారణం ఏంటో తెలుసా?

2 hours ago 1

India vs Australia Test Series: ప్రస్తుతం టీమిండియా బంగ్లాదేశ్‌తో టీ20 సిరీస్‌ ఆడుతోంది. ఆ తర్వాత న్యూజిలాండ్ జట్టుకు ఆతిథ్యం ఇవ్వనుంది. ఈ సిరీస్ తర్వాత టీమిండియా వచ్చే నెలలో ఆస్ట్రేలియాలో పర్యటించనుంది. ఈ టూర్‌లో భారత్-ఆస్ట్రేలియా మధ్య ఐదు టెస్టు మ్యాచ్‌ల సిరీస్ జరగనుంది. అయితే, ఈ సిరీస్ ప్రారంభానికి ముందు, భారత జట్టు నుంచి షాకింగ్ న్యూస్ బయటకు వచ్చింది. ఈ సిరీస్‌లోని మొదటి లేదా రెండవ టెస్ట్ మ్యాచ్‌కు భారత జట్టు కెప్టెన్ రోహిత్ శర్మ దూరం కావచ్చని సమాచారం. వ్యక్తిగత కారణాలతో రోహిత్ బీసీసీఐకి ఈ సమాచారం ఇచ్చాడని పీటీఐ పేర్కొంది. తాజాగా రోహిత్ శర్మ రెండోసారి తండ్రి అయ్యాడనే వార్త సోషల్ మీడియాలో వైరల్‌గా మారింది. దీంతో రోహిత్ టెస్టు మ్యాచ్‌కు దూరమైనట్లు చెబుతున్నారు.

బంగ్లాదేశ్‌తో టీ20 సిరీస్ ముగిసిన వెంటనే న్యూజిలాండ్‌తో టీమిండియా టెస్టు సిరీస్ ఆడనుంది. ఈ టెస్టు సిరీస్ అక్టోబర్ 16 నుంచి ప్రారంభం కానుంది. ఇందులో 3 మ్యాచ్‌లు జరగనున్నాయి. ఆ తర్వాత భారత్, ఆస్ట్రేలియా మధ్య బోర్డర్-గవాస్కర్ ట్రోఫీ ప్రారంభం కానుంది. గత రెండు ఎడిషన్లలో కూడా ఆస్ట్రేలియా చేతిలో టీమిండియా ఓడిపోయింది. ఈసారి సిరీస్‌లో 4కి బదులు 5 టెస్టు మ్యాచ్‌లు జరగనుండగా, వీటిలో ఏదో ఒక మ్యాచ్‌లో టీమిండియా స్టార్ కెప్టెన్ లేకుండానే ఆడాల్సి రావొచ్చని తెలుస్తోంది.

బీసీసీఐకి రోహిత్ ఏం చెప్పాడంటే?

తొలి టెస్టు మ్యాచ్‌కు తాను గైర్హాజరయ్యే విషయాన్ని రోహిత్ ఇప్పటికే బీసీసీఐకి తెలియజేసినట్లు సమాచారం. సిరీస్‌లో తొలి మ్యాచ్ నవంబర్ 22 నుంచి పెర్త్‌లో జరగనుండగా, రెండో టెస్టు డిసెంబర్ 6 నుంచి అడిలైడ్‌లో ప్రారంభం కానుంది. ఇటువంటి పరిస్థితిలో, రోహిత్ మొదటి లేదా రెండవ టెస్ట్ మ్యాచ్ నుంచి తప్పుకోవచ్చని తెలుస్తోంది. నివేదికల ప్రకారం, రోహిత్ అత్యవసర వ్యక్తిగత కారణాల వల్ల టెస్టు మ్యాచ్‌కు దూరంగా ఉంటాడు. అయితే, ఈ వ్యక్తిగత సమస్యను టెస్ట్ సిరీస్‌కు ముందే పరిష్కరించుకుంటే, రోహిత్ మొత్తం 5 టెస్ట్ మ్యాచ్‌లు ఆడగలడని కూడా తెలుస్తోంది. దీనిపై రానున్న రోజుల్లో గవర్నింగ్ బాడీకి స్పష్టత వస్తుందని సంబంధిత వర్గాలు తెలిపాయి.

రోహిత్ రెండోసారి తండ్రి కాబోతున్నాడా?

రోహిత్ చెప్పిన వ్యక్తిగత కారణం ఏమిటనేది ఇప్పటి వరకు నివేదికలో స్పష్టంగా లేదు. అయితే, రీసెంట్‌గా సోషల్ మీడియాలో వైరల్ అవుతున్న వార్తల ప్రకారం రోహిత్ శర్మ భార్య రితికా ప్రెగ్నెంట్ అని, త్వరలో రెండో బిడ్డకు జన్మనివ్వబోతోందని అంటున్నారు. దీంతో న్యూజిలాండ్‌తో జరిగే టెస్టు సిరీస్‌కు రోహిత్ దూరం కావచ్చని కూడా ప్రచారం జరుగుతోంది. అయితే ఇప్పుడు ఆస్ట్రేలియాతో జరిగే తొలి టెస్టు మ్యాచ్‌లో రోహిత్‌కు దూరం కావచ్చని అంటున్నారు.

యాదృచ్ఛికంగా, భారత జట్టు చివరి ఆస్ట్రేలియా పర్యటనలో ఇలాంటి సంఘటన జరిగింది. 2020-21లో టీమిండియా ఆస్ట్రేలియాలో పర్యటించింది. అడిలైడ్‌లో జరిగిన తొలి టెస్టు మ్యాచ్‌ తర్వాత టీమిండియా కెప్టెన్‌గా ఉన్న విరాట్‌ కోహ్లీ సిరీస్‌కు దూరమయ్యాడు. ఎందుకంటే, ఆ సమయంలో కోహ్లి తన మొదటి బిడ్డ కోసం ఎదురుచూస్తున్నాడు. దీంతో కోహ్లీ సిరీస్‌లో మిగిలిన మూడు మ్యాచ్‌లు ఆడలేకపోయాడు.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article