Iran Hit List: इराणने जारी केली ‘हिटलिस्ट’; ‘या’ देशातील पंतप्रधान टॉपवर…जाणून घ्या संपूर्ण यादी

तेहरान (Iran Hit List) : मध्यपूर्वेत इराण आणि इस्रायलमध्ये तणाव वाढत आहे. सलग दोन दिवस इस्रायलवर 180 हून अधिक क्षेपणास्त्रे डागल्यानंतर इराणने आता ‘हिट लिस्ट’ जारी केली आहे. विशेष म्हणजे इस्रायलने बदला जाहीर केल्यानंतर इराणने हे पाऊल उचलले आहे. या (Iran Hit List) यादीतील मनोरंजक गोष्ट म्हणजे इराणने आपल्या हिटलिस्टमध्ये इस्रायलच्या प्रमुख नेत्यांना लक्ष्य केले आहे. या यादीत इस्रायलचे पंतप्रधान बेंजामिन नेतन्याहू, संरक्षण मंत्री योव गॅलांट आणि लष्करप्रमुख हर्झी हालेवी यांच्यासह 11 प्रमुख इस्रायली नेत्यांच्या नावांचा समावेश आहे. इराणने हिब्रू आणि इंग्रजी अशा दोन्ही भाषेत ही यादी प्रसिद्ध केली आहे आणि ‘द लिस्ट फॉर द एलिमिनेशन ऑफ इस्त्रायली टेररिस्ट’ अशी ओळख करून दिली आहे.

हिजबुल्लाह आणि हमास यांच्याशी संघर्ष

इराणच्या या कारवाईचा थेट संबंध इस्रायलच्या अलीकडच्या लष्करी कारवायांशी आहे. इस्रायली सैन्याने अलीकडेच लेबनॉनमधील हिजबुल्लाहच्या मुख्यालयावर हल्ला केला. हिजबुल्लाचा म्होरक्या हसन नसराल्लाह आणि हमास प्रमुख इस्माईल हानिया मारले गेल्याचा दावा इस्रायलने केला आहे. याला (Iran Hit List) हिटलिस्टचा प्रतिसाद म्हणत इराणने इस्रायलच्या नेत्यांना लक्ष्य करण्याची योजना आखली आहे.

🇮🇷🇮🇱 Just similar Israel, present Iran publishes it's ain violent database that Iran volition emotion to termination pic.twitter.com/mDL32HGapa

— Palestinian🔻🇵🇸 (@Revenge_is_near) October 2, 2024

इराण आणि इस्रायलमधील तणावात वाढ

ही हिटलिस्ट इराण आणि इस्रायलमधील वाढत्या तणावाचा परिणाम आहे. इराणने 180 हून अधिक क्षेपणास्त्रे डागल्यानंतर इस्रायलने आपल्या देशातील अनेक भागात (Iran Hit List) हाय अलर्ट जारी केला आहे. या हिटलिस्टद्वारे इराणने इस्रायलच्या सुरक्षेच्या महत्त्वाच्या लोकांना इशारा दिला आहे की, त्यांचा अंत जवळ आला आहे.

इस्रायलचा प्रतिसाद आणि प्रादेशिक प्रभाव

इस्रायलने अद्याप या यादीवर कोणतीही अधिकृत प्रतिक्रिया दिलेली नाही, मात्र इराणने उचललेले हे पाऊल प्रादेशिक स्थिरता आणखी बिघडू शकते, असे तज्ज्ञांचे मत आहे. इस्रायलचे पंतप्रधान नेतन्याहू यांनी आधीच इराणला इशारा दिला होता की, इराणने “मोठी चूक” केली आहे आणि इस्रायल लवकरच प्रत्युत्तर देईल. (Iran Hit List) इराणने जारी केलेली ही हिटलिस्ट इस्रायल आणि त्यांच्या नेत्यांसाठी थेट धोका आहे. ज्यामुळे प्रादेशिक संघर्ष अधिक गंभीर होऊ शकतो. दोन्ही देशांमधील हा संघर्ष हळूहळू एका व्यापक युद्धाकडे वाटचाल करत आहे. ज्यामुळे संपूर्ण मध्यपूर्वेच्या स्थिरतेला धोका निर्माण झाला आहे.