Kaala Bhairava Jayanti: రేపే కాల భైరవ జయంతి.. నల్ల కుక్కకు పూజ చేసి, ఆహారం పెడతారు ఎందుకో తెలుసా..

సృష్టి లయకారుడు శివుని ఉగ్ర రూపాన్ని కాల భైరవుడు అంటారు. శివుని వాహనం నందీశ్వరుడు. మరి శివుడి అవతారమైన కాల భైరవుడి వాహనం నల్ల కుక్క. వాస్తవానికి దేవతలు, దేవతలందరికీ ఖచ్చితంగా ఏదో ఒక వాహనం ఉంది. అలా వాహనంగా ఎంచుకోవడం వెనుక కచ్చితంగా ఏదో కథ పురాణాల్లో ఉంది. కాలభైరవుడు కుక్కను తన వాహనంగా ఎందుకు చేసుకున్నాడు.. దీని వెనుక కారణం ఏమిటి తెలుసుకుందాం..

కాలభైరవుడు శివుని రక్తం నుండి జన్మించాడని శివ పురాణంలో ఉంది.  శివ గణాల్లో కాలభైరవుడికి ప్రత్యెక స్థానం ఉంది. కాల భైరవ జయంతిని ఘనంగా జరుపుకుంటారు.  కార్తీక మాసంలోని కృష్ణ పక్షంలోని అష్టమి తిథి నాడు ప్రతి సంవత్సరం కాల భైరవ జయంతిని జరుపుకుంటారు. ఈ సంవత్సరం నవంబర్ 23, 2024 న  జరుపుకొనున్నారు. ఈ నేపధ్యంలో కాల భైరవుడి ని పూజించి నల్ల కుక్కకు ఆహరం అందించడం మంచిదని అంటారు. ఎందుకంటే

నల్ల కుక్క భైరవుని వాహనం ఎలా అయిందంటే

పురాణ గ్రంథాల ప్రకారం కాల భైరవుని వాహనం నల్ల కుక్క. కాలభైరవుడు ఎక్కడికి వెళ్లినా. అతని వాహనం ఎల్లప్పుడూ అతనితో ఉంటుంది. అయితే కాల భైరవుడు ఎప్పుడూ నల్ల కుక్క మీద ఎక్కి స్వారీ చేయలేదు..అయినా నల్ల కుక్క ఎప్పుడూ కాల భైరవుడి వెంట నడుస్తుంది. కాల భైరవుడు తన వాహనంగా నల్ల కుక్కను ఎంచుకున్నాడని నమ్ముతారు. ఎందుకంటే కాలభైరవుడు ఉగ్రమైన స్వభావం కలిగి ఉంటాడు. కుక్కను కూడా ఉగ్ర స్వభావం కలిగిన జంతువుగా చూస్తారు. కుక్క ఎప్పుడూ భయపడదు. రాత్రి చీకటి సమయంలో కూడా దైర్యంగా సంచరిస్తుంది. అయితే తనపై ఎవరైనా దాడి చేస్తే వెంటనే మరింత ఉగ్రరూపం దాలుస్తుంది కుక్క.

ఇవి కూడా చదవండి

అలాగే కుక్క తెలివితేటలు కలిగిన జంతువు. అత్యంత నమ్మకమైన, విశ్వాసం, రక్షిత జంతువుగా పరిగణించబడుతుంది. అంతేకాదు కుక్కలు దుష్ట ఆత్మలు, ప్రతికూల శక్తుల నుంచి రక్షించగల సామర్థ్యాన్ని కలిగి ఉన్నాయని కూడా నమ్ముతారు. కుక్క సూక్ష్మ ప్రపంచంలోని ఆత్మలను చూడగలదు. భైరవుడు శ్మశానవాటిక నివాసిగా వర్ణించబడ్డాడు. శ్మశాన వాటికలో కుక్కలను మాత్రమే జంతువులుగా చూస్తారు. అటువంటి పరిస్థితిలో కుక్క భైరవుడికి తోడుగా మారింది.

కాలభైరవుడిని పూజ ప్రాముఖ్యత

తంత్ర శాస్త్రంలో కాలభైరవుడికి ప్రత్యేక స్థానం ఉంది. కాల భైరవుని వాహనంగా నల్ల కుక్కను భావించి పూజించడం ద్వారా దుష్టశక్తుల నుంచి విముక్తి లభిస్తుందని నమ్ముతారు. అంతేకాదు కాలాష్టమి రోజున నల్ల కుక్కకు రొట్టెలు తినిపించడం ద్వారా కాలభైరవుడు ప్రసన్నుడవుతాడని, ఆకస్మిక మరణ భయం నుంచి బయటపడతాడని నమ్మకం.

మరిన్ని ఆధ్మాతిక వార్తల కోసం క్లిక్ చేయండి..

నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి.