PAK vs ENG: 147 ఏళ్లలో తొలిసారి ఇలా.. ప్రపంచ రికార్డ్ సృష్టించిన ఇంగ్లండ్ డేంజరస్ ప్లేయర్.. అదేంటంటే?

Pakistan vs England, 2nd Test: 147 ఏళ్ల టెస్టు చరిత్రలో అత్యంత వేగంగా 2000 పరుగులు చేసిన ఆటగాడిగా ఇంగ్లండ్ ఓపెనర్ బెన్ డకెట్ ప్రపంచ రికార్డు సృష్టించాడు. డకెట్ అతి తక్కువ డెలివరీలను ఎదుర్కొని ఈ రికార్డును నెలకొల్పాడు.

1 / 6

ముల్తాన్‌లో పాకిస్థాన్‌తో జరుగుతున్న 2వ టెస్టు తొలి ఇన్నింగ్స్‌లో బెన్ డకెట్ సెంచరీ సాధించాడు. ఈ మ్యాచ్‌లో డకెట్ 129 బంతులు ఎదుర్కొని 16 ఫోర్లతో 114 పరుగులు చేశాడు. ఈ సెంచరీతో ఇంగ్లండ్ బ్యాట్స్‌మెన్ టెస్టుల్లో 2000 పరుగులు పూర్తి చేసుకున్నాడు.

2 / 6

టెస్టు క్రికెట్‌లో ఇప్పటివరకు 2293 బంతులు ఎదుర్కొన్న బెన్ డకెట్ 4 సెంచరీలు, 11 అర్ధసెంచరీలతో 2026 పరుగులు చేశాడు. దీంతో టెస్టు చరిత్రలోనే అతి తక్కువ బంతుల్లో 2000 పరుగులు చేసిన బ్యాట్స్‌మెన్‌గా నిలిచాడు.

3 / 6

అంతకుముందు ఈ ప్రపంచ రికార్డు న్యూజిలాండ్ ఆటగాడు టిమ్ సౌథీ పేరిట ఉండేది. టిమ్ సౌథీ కేవలం 2418 బంతుల్లో 2000 పరుగులు పూర్తి చేయడం ద్వారా ఈ రికార్డును లిఖించాడు. ఇప్పుడు ఈ రికార్డు ఇంగ్లండ్‌ ఎడమచేతి వాటం బ్యాట్స్‌మెన్‌ పేరిట ఉంది.

4 / 6

టెస్టు క్రికెట్‌లో తుఫాన్ బ్యాటింగ్‌తో అదరగొట్టే బెన్ డకెట్.. తన దూకుడు ఆటతో సరికొత్త ప్రపంచ రికార్డు సృష్టించాడు. దీంతో 147 ఏళ్ల టెస్టు చరిత్రలో అతి తక్కువ బంతుల్లో 2000 పరుగులు చేసిన బ్యాట్స్‌మెన్‌గా నిలిచాడు.

5 / 6

ముల్తాన్ టెస్టులో టాస్ గెలిచి తొలుత బ్యాటింగ్ చేసిన పాకిస్థాన్ తొలి ఇన్నింగ్స్‌లో 366 పరుగులు చేసి ఆలౌటైంది. దీంతో బెన్ డకెట్ సెంచరీతో తొలి ఇన్నింగ్స్ ప్రారంభించిన ఇంగ్లండ్ జట్టు 2వ రోజు ముగిసే సమయానికి 6 వికెట్లు కోల్పోయి 239 పరుగులు చేసింది.

6 / 6