Parbhani: परभणीत भरधाव ट्रॅक्टर ठरतायेत जिवघेणे

3 hours ago 1

परभणी (Parbhani) :- आजी मृतक झाल्याने तिच्या मयतीसाठी दुचाकीने जात असलेल्या परिवाराला ट्रॅक्टरने जोराची धडक दिली. यात दुचाकी चालकाचा मृत्यू (Death) झाला तर इतर जखमी झाले. हि घटना गुरुवार ३० जानेवारी रोजी सकाळी ७:३० च्या सुमारास पाथरी ते सेलू रोडवर खेडुळा पाटीवर घडली. या प्रकरणी ट्रॅक्टर (Tractor) चालकावर पाथरी पोलीसात गुन्हा दाखल करण्यात आला आहे. रस्त्यावर भरधाव वेगाने धावणारे ट्रॅक्टर जिव घेणे ठरत आहेत.

रात्री धावणार्‍या ट्रॅक्टरमुळे अपघाताच्या घटना वाढल्या

सध्या ऊस कारखाण्याचा हंगाम सुरु असल्याने ट्रॅक्टर व इतर वाहनांद्वारे ऊसाची वाहतुक होत आहे. रात्री धावणार्‍या ट्रॅक्टरमुळे अपघाताच्या (Accident)घटना वाढल्या आहेत. भरधाव वेगातील ट्रॅक्टर जिवघेणे ठरत आहेत. ३० जानेवारीला माजलगाव येथील एक परिवार दुचाकीने पाथरी तालुक्यातील डासाळा येथे मयतीसाठी येत होता. सकाळी ७:३० च्या सुमारास खेडुळा पाटीवर एम.एच.२२ एक्स ९१५ या क्रमांकाच्या दोन ट्रॅलीच्या ट्रॅक्टरने दुचाकीला धडक दिली. यात दुचाकी चालक फेरोज शेख यांचा मृत्यू झाला.तर मयताची पत्नी शेख सिमा दोन मुले, एक मुलगी जखमी झाले. या प्रकरणी ट्रॅक्टर चालक रामेश्वर धोतरे याच्यावर पाथरी पोलीसात गुन्हा दाखल करण्यात आला आहे.

दरम्यान मागील काही दिवसात ट्रॅक्टरमुळे अपघाताच्या घटना वाढल्या आहेत. भरधाव वेगातील ट्रॅक्टरना शिस्त लावणे गरजेचे झाले आहे. ट्रॅक्टर अपघातामुळे नाहक जिव गमवावे लागत आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article