Swapna Shastra : तुम्हाला स्वप्नात हे तीन पक्षी दिसले तर समजून जा प्रगतीचं दारं खुली झाली! जाणून घ्या स्वप्नशास्त्र

आपण जसा विचार करतो तसं घडत जातो असं आपल्याला लहानपणापासून माहिती आहे. त्यामुळे कायम सकारात्मक विचार करणं गरजेचं आहे. अन्यथा नकारात्मक विचारांमुळे आपल्यासोबतही नकारात्मक गोष्टी घडत जातात. अशावेळी कायम सकारात्मक विचार आणि संगती असलेली कधीही चांगली ठरते. त्यामुळे लहानपणापासूनच आईवडील चांगल्या संगतीच्या मित्रांसोबत राहा असा सल्ला देतात. दुसरीकडे, आपण विचार करतो तशी स्वप्न देखील पडतात. कारण त्या स्वप्नांवर आपल्या दैनंदिन जीवनाचा प्रभाव असतो. पण काही स्वप्न गूढ असतात. त्याचा नेमका अर्थ आपल्याला कळत नाही. आपण त्या स्वप्नांबाबत दिवसभर विचार करत राहतो. नेमकं असं माझ्यासोबत का घडलं असेल? असं तर मी कधीच वागलो नाही वगैरे.. स्वप्नशास्त्रानुसार हे सदर व्यक्तीला काही ना काही संदेश देत असतात. असंच काहीसं स्वप्नशास्त्रात सांगितलं गेलं आहे. स्वप्नात वारंवार साप दिसत असेल तर आपल्या पितृदोष असल्याचे संकेत मिळतात. दुसरीकडे, काही पक्षांचं स्वप्नात दिसणं चांगलं मानलं जातं. तीन पक्षांचं स्वप्नात दिसणं प्रगतीची दारं खुली होणार असल्याचे संकेत देतात.

स्वप्नशास्त्रानुसार, रात्री स्वप्नात घुबड दिसलं की लक्ष्मीची कृपा होणार असल्याचे संकेत असतात. कारण घुबड हे देवी लक्ष्मीची वाहन आहे. आपल्यावर देवी लक्ष्मीची कृपा होणार आहे असे संकेत या माध्यमातून मिळतात. देवी लक्ष्मी कृपा करणार असल्याने पहिल्यांदा आपल्याकडे वाहन पाठवते असं सांगितलं जातं. स्वप्नशास्त्रानुसार स्वप्नात मोर दिसणंही चांगले संकेत आहेत.स्वप्नात मोर दिसला की काहीतरी मोठं आणि चांगलं घडणार असल्याचे संकेत मिळतात. तसेच सुख समृद्धीची दारं खुली होणार असल्याचं कळतं.

स्वप्नात पोपट दिसणंही शुभ मानलं जातं. वडिलोपार्जित संपत्तीतून चांगला परतावा मिळणार असल्याचे संकेत यातून मिळतात. त्यामुळे या तीन पक्षांचं स्वप्नात दिसणं शुभ मानलं जातं. पण अशी स्वप्न कोणासोबतही शेअर करू नयेत. आपल्याला संकेत मिळाल्यानंतर त्या दिशेने काम सुरु करणं महत्त्वाचं आहे. आपल्याला त्या कामातून यश मिळेल आणि आर्थिक मार्गही खुली होतील, असं स्वप्नशास्त्र सांगतं.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)