Tollywood : ఈ ఫొటోలో ఉన్న చిచ్చర పిడుగులు.. ఇప్పుడు ఇండస్ట్రీలోనే తోపు హీరోలు

సినిమా సెలబ్రెటీల ఫోటోలు నెట్టింట  నిత్యం వైరల్ అవుతూ ఉంటాయి. తాజాగా ఇద్దరు స్టార్ హీరోల ఫోటోలు సోషల్ మీడియాలో వైరల్ గా మారాయి. పైన కనిపిస్తున్న ఫోటోలో ఉన్న బుడ్డోళ్లను చూశారు కదా.. ఎవరో గుర్తుపట్టారా.? వారిద్దరూ అన్నదమ్ములు. ఇప్పుడు సౌత్‌లో సూపర్ స్టార్స్. ఒకరికి మాస్‌లో విపరీతమైన ఫాలోయింగ్ ఉంటే.. మరొకరు అమ్మాయిల డ్రీమ్ బాయ్. ఇద్దరూ కూడా తమిళంలో స్టార్ హీరోలు అయినప్పటికీ.. తెలుగులోకి వీరాభిమానులు ఉన్నారు. అటు తెలుగు.. ఇటు తమిళంలో మంచి క్రేజ్ సంపాదించారు ఈ ఇద్దరూ. కంటెంట్ ప్రాధాన్యత ఉన్న సినిమాలే ఎంచుకుంటారు. ప్రతీ పాత్రలోనూ వైవిధ్యతను చూపిస్తారు. అంతే కాదు ప్రయోగాత్మక సినిమాలకు పెట్టింది పేరు ఈ ఇద్దరూ. ఎవరో గుర్తుపట్టండి చూద్దాం.!

ఆ ఇద్దరూ మరెవరో కాదు. తమిళ స్టార్ హీరోలు సూర్య, కార్తీ. 1997లో ‘నెరుక్కు నెర్’ సినిమాతో సూర్య హీరోగా పరిచయం కాగా.. సరిగ్గా 10 ఏళ్ల తర్వాత 2007లో ‘పరుతివీరన్’ సినిమాతో కార్తీ సినీ ఇండస్ట్రీలోకి అడుగుపెట్టాడు. సూర్య అటు హీరోగానే కాదు.. నిర్మాతగానూ పెద్ద సక్సెస్ అయ్యాడు. ‘గజిని’, ‘సింగం’, ’24’, ‘నంద’, ‘జై భీమ్’, ‘సూరరై పోట్ట్రు’ లాంటి సినిమాలు సూర్యను స్టార్ హీరోగా నిలిపాయి. ఇటీవల ‘విక్రమ్’ సినిమాలో రోలెక్స్ పాత్ర సూర్యకు అమోఘమైన క్రేజ్ తెచ్చిపెట్టిన సంగతి తెలిసిందే. చివరిగా కంగువ సినిమాతో [ప్రేక్షకుల ముందుకు వచ్చాడు సూర్య. అలాగే నిర్మాతగా సూర్య తెరకెక్కించిన చిత్రం ‘గార్గి’ సూపర్ డూపర్ హిట్ అయ్యింది.

ఇక కార్తీ విషయానికి వస్తే.. 2007లో ‘పరుతివీరన్’ సినిమాతో హీరోగా అరంగేట్రం చేశాడు. ఆ తర్వాత యుగానికి ఒక్కడు, శకుని, చెలియా, దొంగ, ఊపిరి, సర్దార్, పొన్నియన్ సెల్వన్ చిత్రాల్లో నటించి మెప్పించాడు. ఇప్పుడు ఖైదీ 2 సినిమాలో నటిస్తున్నాడు. ప్రస్తుతం ఈ అన్నదమ్ములిద్దరూ పాన్ ఇండియా మూవీస్ చేస్తూ బిజీగా ఉన్నారు.

మరిన్ని సినిమా వార్తల కోసం ఇక్కడ క్లిక్ చేయండి