Tumsar Accident : भरधाव ट्रक पुलाखाली कोसळला; वाहकाचा जागीच मृत्यू

2 hours ago 1

तुमसर (Tumsar) :- तुमसर-बपेरा मार्गावर खैरलांजी गावाजवळ दि.२५ नोव्हेंबर रोजी सकाळी ७ वाजता दरम्यान भीषण अपघात( घडला.

भरधाव ट्रक चालकाचे नियंत्रण सुटल्याने पुलाखाली कोसळला

अदानी पॉवर प्लाँट येथून राख भरून दावेझरीकडे जाणारा भरधाव ट्रक चालकाचे नियंत्रण सुटल्याने पुलाखाली कोसळला. त्यात ट्रकवरील वाहकाचा जागीच मृत्यू (Death)झाला. तर चालक गंभिर जखमी झाला. जखमीवर तुमसर येथील शासकीय रूग्णालयात उपचारार्थ दाखल करण्यात आले आहे. जितू रा.सहेसपूर असे मृतकाचे नाव असून चालक आकाश बारबैले (४०) रा.सरांडी ता.तिरोडा असे जखमीचे नाव आहे. तिरोडा येथील अदानी पॉवर प्लाँट येथून राख भरून दावेझरीकडे जाणारा ट्रक क्र.एम एच ३६ एए ३१२१ हा जात असताना तुमसर-बपेरा मार्गावरील खैरलांजी गावाजवळ चालक आकाश याचे ट्रकवरील नियंत्रण सुटल्याने भरधाव ट्रक पुलाखाली कोसळला. अपघात घडताच याची माहिती गावात पसरली.

गावकर्‍यांनी घटनास्थळी धाव घेतली. माहिती मिळताच तुमसर पोलिसांनी घटनास्थळ गाठून जखमी चालकाला उपचाराकरीता शासकीय रूग्णालय तुमसर येथे पाठविण्यात आले. या अपघातात मात्र ट्रकवरील वाहक जितू नामक तरूणाचा जागीच मृत्यू झाला. तुमसर पोलिसांनी घटनेचा पंचनामा करून प्रेत शवविच्छेदनाकरीता (Autopsy) पाठविण्यात आले. घटनेचा पुढील तपास तुमसर पोलीस करीत आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article