2 hours ago
1
ઉત્તરાખંડનો એક વીડિયો વાયરલ થઈ રહ્યો છે જેમાં એક યુવતી થાર વાહન પાસે હવામાં પિસ્તોલથી ફાયરિંગ કરતી જોવા મળી રહી છે. યુવતી વ્યવસાયે ડૉક્ટર છે. વીડિયો સામે આવ્યા બાદ પોલીસે મામલાની નોંધ લીધી અને મહિલા ડોક્ટર વિરુદ્ધ કેસ નોંધ્યો હતો.
આ પણ વાંચો: એ ગોઝારી રાત…વાયનાડના ભૂસ્ખલનનો વીડિયો વાયરલ, કુદરતના પ્રકોપનો પુરાવો…
મીડિયા રિપોર્ટ્સ અનુસાર, આ વીડિયો ઉધમ સિંહ નગર જિલ્લાના રૂદ્રપુર શહેરની કોલોનીમાં રહેતી મહિલા ડૉક્ટર આંચલ ઢીંગરાનો છે. આ વીડિયો ગદરપુર પોલીસ સ્ટેશન વિસ્તારમાં આવેલા કરતારપુર ફાર્મ હાઉસનો હોવાનું કહેવાય છે જ્યાં યુવતી થાર વાહનની સામે લાયસન્સવાળી પિસ્તોલથી હવામાં ફાયરિંગ કરી રહી છે. સોશિયલ મીડિયા પર શેર કરવામાં આવેલા કેપ્શનમાં પોલ્યુશન ફ્રી દિવાળી લખવામાં આવ્યું છે.
આ વીડિયો દિવાળીનો હોવાનું કહેવાય છે. મીડિયા રિપોર્ટ્સ અનુસાર, મહિલા ડૉક્ટરે દિવાળીની રાત્રે તેના ફાર્મ હાઉસમાં થાર વાહન સાથે એક પછી એક પાંચ રાઉન્ડ ફાયરિંગ કર્યું હતું. મહિલા ડૉક્ટર ગુરુમા એડવાન્સ ડેન્ટલ કેરમાં કામ કરે છે.
આ પણ વાંચો: થાણેમાં મિત્રો સાથે મજાક કરતી યુવતીને મોત મળ્યું, વીડિયો વાયરલ
પોલીસ આ મામલે તપાસ શરૂ કરી
મીડિયા રિપોર્ટ્સમાં રૂદ્રપુરના સીઓ બહાદુર સિંહ ચૌહાણને ટાંકીને કહેવામાં આવ્યું છે કે લાયસન્સવાળી પિસ્તોલથી ફાયરિંગનો વીડિયો સામે આવતાની સાથે જ આ મામલાની તપાસ શરૂ કરવામાં આવી છે. તપાસ રિપોર્ટના આધારે જ આગળની કાર્યવાહી કરવામાં આવશે. ફાયરિંગમાં લાયસન્સની શરતોનું ઉલ્લંઘન થયું છે કે નહીં તેની પોલીસ તપાસ કરી રહી છે.
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·