سرینگر میں رواں موسم کی سرد ترین رات، درجہ حرارت منفی 0.7

File Image

سرینگر// جموں و کشمیر کے گرمائی دارالحکومت سرینگر میں موسم سرما کی شدت بڑھ گئی ہے، جہاں درجہ حرارت منفی 0.7 ڈگری سیلسیس ریکارڈ کیا گیا جو سرینگر میں اس موسم کی اب تک کی سرد ترین رات ہے۔
ماہر موسمیات نے بتایا کہ سرینگر میں پہلی بار درجہ حرارت صفر سے نیچے منفی 0.7 ڈگری سیلسیس تک پہنچا۔
جنوبی کشمیر کے شوپیاں میں درجہ حرارت منفی 3.9 ڈگری سیلسیس ریکارڈ کیا گیا جبکہ پہلگام میں پارہ گر کر 3.7 ڈگری سیلسیس پر جا پہنچا۔
قابل ذکر بات یہ ہے کہ محکمہ موسمیات نے 23 نومبر تک موسم خشک رہنے کی پیش گوئی کی ہے، جس کے بعد جموں و کشمیر میں بارش کا امکان ظاہر کیا گیا ہے۔