حیدرآباد: بادام کے فوائد پر سیشن، صحت مند طرز زندگی کو فروغ دینے کی کوشش

حیدرآباد: المنڈ بورڈ آف کیلیفورنیا نے حیدرآباد کے تاج ڈکن میں ایک اہم سیشن منعقد کیا جس کا موضوع تھا "ایک مٹھی بادام روزانہ: آج کی تیز رفتار طرز زندگی میں صحت کی حمایت کے لیے قدرتی طریقہ”۔

اس سیشن میں غذائیت اور فلاح و بہبود کی ماہر شیلا کرشن سوامی، مشہور اداکارہ وانی بھوجن، اور آر جے پرتیکا نے شرکت کی اور صحت مند طرز زندگی کو برقرار رکھنے کے حوالے سے اہم نکات پر روشنی ڈالی۔

سیکشن میں بتایا گیا کہ آج کی تیز رفتار دنیا میں متوازن غذا حاصل کرنا مشکل ہو رہا ہے، جس کی وجہ سے ذیابیطس، دل کی بیماری اور موٹاپے جیسے مسائل بڑھتے جا رہے ہیں۔

عالمی ادارہ صحت (WHO) کے مطابق، یہ بیماریاں ہر سال بھارت میں چھ ملین جانیں لیتی ہیں اور 2030 تک بھارت کو ان بیماریوں کی وجہ سے چھ کھرب ڈالر کا نقصان پہنچ سکتا ہے۔ اس صورت حال میں غذائی عادات کو بہتر بنانا ضروری ہے۔

اس موقع پر شیلا کرشن سوامی نے قدرتی غذا جیسے بادام کی اہمیت پر زور دیا۔ انہوں نے کہا کہ بادام 15 اہم غذائی اجزاء سے بھرپور ہیں اور یہ خون میں شوگر کو قابو کرنے، وزن کو کنٹرول کرنے، اور کولیسٹرول کی سطح کو کم کرنے میں مددگار ہیں۔

انہوں نے مزید کہا کہ آئی سی ایم آر-نیشنل انسٹی ٹیوٹ آف نیوٹریشن کے مطابق بادام جیسے میوہ جات نہ صرف ایک صحت مند ناشتہ ہیں بلکہ یہ ایک متوازن غذا کا اہم حصہ بھی ہیں۔

مشہور اداکارہ وانی بھوجن نے اپنی مصروف زندگی کا تذکرہ کرتے ہوئے کہا کہ صحت مند طرز زندگی کے لیے خوراک اور ورزش کا امتزاج ضروری ہے۔

انہوں نے بتایا کہ بادام ان کی روزمرہ کی خوراک کا حصہ ہیں اور یہ ان کی توانائی کو برقرار رکھنے اور جلد کی صحت کے لیے بہت فائدہ مند ہیں۔

وانی بھوجن نے کہا کہ بادام غیر صحت مند کھانے کے آپشنز سے بچنے میں مدد دیتے ہیں اور ان کے کیمرے پر بہترین نظر آنے میں بھی اہم کردار ادا کرتے ہیں۔

سیکشن میں بتایا گیا کہ بادام جیسے قدرتی اور غذائیت سے بھرپور کھانے ہماری روزمرہ کی زندگی میں شامل کرنا چاہیے تاکہ ہم نہ صرف جسمانی صحت بلکہ ذہنی سکون بھی حاصل کر سکیں۔

اس سیشن کا مقصد لوگوں کو صحت مند عادات اختیار کرنے اور بہتر غذائی انتخاب کرنے کی ترغیب دینا تھا تاکہ وہ آج کی تیز رفتار دنیا میں صحت مند اور متوازن زندگی گزار سکیں۔

اس سیشن نے یہ ثابت کیا کہ قدرتی غذا جیسے بادام کو اپنے روزمرہ معمولات میں شامل کر کے ہم اپنی صحت کو بہتر بنا سکتے ہیں اور زندگی کے مختلف پہلوؤں میں توازن قائم کر سکتے ہیں۔