مودی حکومت کے 10سال||تشدد میں 70فیصدکمی

ایجنسیز

گاندھی نگر// مرکزی وزیر داخلہ امیت شاہ نے منگل کو کہا کہ مرکز میں بی جے پی کی قیادت والی حکومت نے گزشتہ 10 سالوں میں جموں و کشمیر اور شمال مشرقی علاقوں میں تشدد میں 70 فیصد کامیابی سے کمی لائی ہے۔ راشٹریہ رکھشا یونیورسٹی میں 50ویں آل انڈیا پولیس سائنس کانفرنسکی افتتاحی تقریب سے خطاب کرتے ہوئے، انہوں نے اس اعتماد کا اظہار کیا کہ آنے والی دہائی ہندوستانی فوجداری انصاف کے نظام کو دنیا میں سب سے زیادہ سائنسی اور تیز ترین بنائے گی۔شاہ نے کہا”برسوں سے، تین علاقوں کو بہت پریشان سمجھا جاتا تھا ،کشمیر، شمال مشرقی، اور نکسلائیٹ سے متاثرہ علاقے، ہم نے ان تینوں خطوں کی سیکورٹی میں نمایاں بہتری کی ہے۔ پچھلے 10 سالوں کے اعداد و شمار کا اس سے پہلے کے عرصے سے موازنہ کرنے سے پتہ چلتا ہے کہ ہم تشدد میں 70 فیصد کمی کرنے میں کامیاب رہے ہیں‘‘۔ انہوں نے کہا”مجھے یقین ہے کہ یہ ایک بہت بڑی کامیابی ہے، لوگوں کی ایک بڑی تعداد نے اس (تشدد)کو کم کرنے کے لیے حکومت کی کوششوں کی پورے دل سے حمایت کی ہے‘‘۔مرکزی وزیر نے کہا کہ منشیات کی تجارت پر قابو پانے کے معاملے میں بھی گزشتہ 10 سالوں میں منشیات کی ضبطی میں ایک دہائی پہلے کے مقابلے چھ گنا اضافہ ہوا ہے۔انہوں نے کہا کہ میں آپ کو یقین دلانا چاہتا ہوں کہ تین نئے فوجداری قوانین کے نفاذ کے بعد، ملک کے کسی بھی پولیس اسٹیشن میں ایف آئی آر کے اندراج کے تین سال کے اندر سپریم کورٹ سے انصاف ملے گا۔امیت شاہ نے کہا کہ مودی حکومت ان تمام قیدیوں کی رہائی کو یقینی بنائے گی جنہوں نے اپنی سزا کا ایک تہائی حصہ کاٹ چکے ہیں۔ وزیر داخلہ نے کہا، “ہم نے عدالت، استغاثہ اور پولیس کو تقریباً 60 دفعات کے ساتھ پابند کیا ہے کہ وہ اپنا کام مقررہ وقت میں مکمل کریں۔ ہم نے جیلوں کو یہ بھی پابند کیا ہے کہ اگر ایک خاص مدت کے بعد ٹرائل نہ ہو رہا ہو تو سوائے چند جرائم کے، جو کہ زیادہ سنگین نہیں ہیں، جیل افسر کو خود ضمانت کا عمل عدالت کے اندر پیش کرنا ہو گا اور ہماری کوشش ہے کہ پہلے یوم جمہوریہ کے موقع پر ملک کی جیلوں میں ایک بھی قیدی ایسا نہیں ہونا چاہیے جس نے اپنی سزا کا ایک تہائی کاٹ لیا ہو اور اسے ابھی تک انصاف نہ ملا ہو۔ پولیس کو جوابدہ بنانے کے لیے بہت کام کیا گیا ہے اور پولیس کو طاقت دینے کے لیے بھی بہت کام کیا گیا ہے۔