پنجاب سڑک حادثے میں اننت ناگ کا نوجوان جاں بحق، بھائی زخمی

سرینگر// پنجاب کے ڈمٹال علاقے میں ایک حادثے میں اننت ناگ کا ایک نوجوان جاں بحق ہو گیا جبکہ اس کا بھائی زخمی ہوگیا۔
حکام نے بتایا کہ گزشتہ رات تقریباً 10 بجے ایک گاڑی نے ڈمٹال میں دو بھائیوں کو ٹکر مار دی، جس کے نتیجے میں دونوں کو شدید چوٹیں آئیں۔
زخمیوں کو فوری طور پر قریبی اسپتال منتقل کیا گیا، جہاں ڈاکٹروں نے ایک کو مردہ قرار دے دیا جبکہ دوسرے بھائی کا علاج جاری ہے۔
متوفی کی شناخت شرافت احمد خان اور زخمی کی شناخت رفاقت احمد خان کے طور پر ہوئی ہے، جو براری آنگن شانگس اننت ناگ کے رہائشی ہیں۔
دریں اثناء پولیس نے اس سلسلے میں کیس درج کر کے تحقیقات شروع کر دی ہے۔