अमेरिकेतील लाचखोरीचे आरोप अदानी समुहाने फेटाळले, म्हणाले, आम्ही निर्दोषच...!

पुढारी ऑनलाईन डेस्क : अदानी समुहाचे अध्यक्ष गौतम अदानी (Gautam Adani) यांच्यासह सात जणांवर अमेरिकेतील न्यूयॉर्क कोर्टात लाचखोर (US bribery charges) आणि फसवणुकीचा आरोप निश्चित केला आहे. दरम्यान, अदानी समुहाने गौतम अदानींवरील आरोप फेटाळून लावले आहेत. अदानी समुहाच्या प्रवक्त्याने म्हटले आहे की, "अदानी ग्रीनच्या संचालकांवर अमेरिकेच्या डिपार्टमेंट ऑफ जस्टिस आणि यूएस सिक्युरिटीज अँड एक्स्चेंज कमिशनने केलेले आरोप बिनबुडाचे असून ते आम्ही फेटाळत आहोत. यूएस डिपार्टमेंट ऑफ जस्टिसनेच म्हटल्याप्रमाणे, "हे आरोपपत्रातील आरोप आहेत आणि जोपर्यंत आरोप सिद्ध होत नाही तोपर्यंत प्रतिवादींना निर्दोष मानले जाते." आम्ही शक्य सर्व कायदेशीर मार्ग शोधू." असे अदानी समुहाने नमूद केले आहे.