इस्कॉनतर्फे १ डिसेंबरला युवकांसाठी "पासवर्ड हॅप्पीनेस':मुंबईहून देवकीनंद प्रभू यांचे मार्गदर्शन,अक्कलकोट रोड एमआयडीसी पद्मावती हॉल येथे विविध उपक्रम होणार

जीवनात आनंदी कसे राहायचे, कसे जगायचे अशा विविध विषयांवर जुहू मुंबई येथील देवकीनंद प्रभू यांचे "पासवर्ड हॅप्पीनेस' या विषयावर मार्गदर्शन होणार आहे. हा सोहळा एक डिसेंबर रोजी सायंकाळी ५ ते ८ यावेळेत अक्कलकोट रोड एमआयडीसी येथील पद्मावती हॉलमध्ये इस्कॉन राधा दामोदर मंदिर यांच्यावतीने होणार आहे. वयोगट पंधरा ते पस्तीस असून यात मुले, मुली, तरूण- तरूणी सहभागी होऊ शकतात. अधिक माहितीसाठी इस्कॉनचे उपाध्यक्ष पावनहरिनाम दास (मोबाईल- ९९९००९६२३९) यांना संपर्क साधावा, असे आवाहन करण्यात आले आहे. पासवर्ड हॅप्पीनेस या सेमीनारमध्ये सहभागी होण्यासाठी पूर्वनोंदणी आवश्यक आहे. याबाबत बोलताना पावनहरिनाम दास म्हणाले, " मुले, युवक, तरुणी, तरूण यांच्यासाठी हे सेमीनार आहे. आयुष्यात जगताना अनेक अडचणी येतात. समस्या येतात. या समस्यांवर उपाय योजना आखणे गरजेचे असते. समस्यांवर मात कशी करायची. आनंदी व सुखी राहण्यासाठी नेमके काय करावे याबाबत मार्गदर्शन, उपाय, कारणे सांगण्यात येणार आहेत. यातील सहभागी सदस्यांना समारोपानंतर प्रसाद वाटप आहे.