करमाळ्यात पादुका दर्शनासाठी भाविकांची गर्दी:श्री जगद्गुरू नरेंद्राचार्य महाराजांच्या पादुका दर्शन सोहळ्यानिमित्त निघाली मिरवणूक‎

नरेंद्राचार्य महाराज पादुका दर्शन सोहळ्यानिमित्त श्रींच्या पादुकांची सवाद्य मिरवणूक करमाळा शहरातील ‌प्रमुख मार्गावरून काढण्यात आली. या वेळी भाविकांनी दुतर्फा गर्दी केली होती. या वेळी सामाजिक उपक्रमांतर्गत शिलाई मशीन वाटप व उपासकांसाठी दीक्षा समारंभ पार पडला. स्वस्वरूप सांप्रदाय सोलापूर जिल्हा सेवा समितीअंतर्गत करमाळा तालुक्याच्या वतीने जगद्गुरू नरेंद्र महाराज ‌पादुका दर्शन सोहळा उत्साहात करमाळा येथील यशवंतराव चव्हाण महाविद्यालय प्रांगणात करमाळ्यात सोमवारी संपन्न झाला. जगद्गुरू नरेंद्राचार्य महाराज यांच्या पादुकाचे आगमन सोमवारी सकाळी नऊ वाजता करमाळ्यातील छत्रपती चौक येथे झाले. यानंतर श्रींच्या पादुकाची भव्य मिरवणूक करमाळा शहरातील ‌प्रमुख मार्गावरून सवाद्य मिरवणूक काढण्यात आली. या मिरवणुकीत जगद्गुरू नरेंद्राचार्य महाराज यांचे भक्त, शिष्य, साधक मोठ्या संख्येने उपस्थित होते. पादुकाचे आगमन झाल्यानंतर जगद्गुरू नरेंद्राचार्य महाराजांच्या‌ नामाचा गजर करण्यात आला. या कार्यक्रमात जगद्गुरू नरेंद्राचार्य महाराज प्रवचनभूषण जागृती दर्ण यांचे प्रवचन झाले. त्यांनी जगद्गुरू नरेंद्राचार्य महाराज यांचे कार्य गुरूची महती सांगून मानव कल्याणासाठी भक्तीची गरज आहे. आपल्या जीवन सुखी समृद्ध करण्याबरोबरच मोक्ष प्राप्तीसाठी स्व-स्वरूप सांप्रदायात सहभागी होऊन कल्याण करून घेण्याचे आवाहन त्यांनी केले. पादुका पूजन करून शेकडो भाविकांनी उपासक दीक्षा घेतली. कार्यक्रम यशस्वीपणे पार पाडण्यासाठी जिल्हाध्यक्ष आबासाहेब शिंदे, जिल्हा सचिव मारुती भोसले, महिला अध्यक्ष सविताताई परांडे व स्व स्वरूप सांप्रदाय सोलापूर जिल्हा सेवा समितीने परिश्रम घेतले. भक्ती मार्गाचा अवलंब करून जीवन सुखी जगा या वेळी विलासराव घुमरे म्हणाले, जगद्गुरू नरेंद्राचार्य महाराज यांच्या स्वस्वरूप सांप्रदायामार्फत हिंदू धर्म रक्षणाबरोबर जगण्यासाठी भक्तीची गरज लक्षात घेऊन उपासनेचा मार्ग सांगितला जात असून, भाविक भक्त सन्मार्गाने यशस्वी जीवन जगत आहेत. तुम्ही जगा दुसऱ्याला जगवा हा मानव कल्याणाचा मंत्र त्यांनी समाजाला दिला असून, खऱ्या अर्थाने समाजाच्या कल्याणासाठी करीत असताना धार्मिक, शैक्षणिक, सामाजिक कार्य कौतुकास्पद आहे.