टायर फुटल्याने उसाने भरलेली ट्रॉली पलटली; सुदैवाने जीवितहानी टळली

2 hours ago 2

टायर फुटल्याने उसाने भरलेली ट्रॉली पलटली; सुदैवाने जीवितहानी टळली Pudhari

Published on

07 Feb 2025, 7:35 am

मंचर: टायर फुटल्याने आणि साठा जीर्ण झाल्यामुळे ऊस वाहतूक करणारी जुगाड ट्रॉली तुटून पलटी झाली. या वेळी सुदैवाने वाहतूक कमी असल्याने जीवितहानी टळली. कळंब (ता. आंबेगाव) येथील पुणे- नाशिक महामार्गावर महाळुंगे फाट्यानजीक गुरुवारी (दि. 6) पहाटे हा अपघात घडला.

अपघातानंतर पूर्ण रस्त्यावर ऊस पसरला होता. त्यामुळे मोठ्या प्रमाणावर वाहतूक कोंडी झाली होती. स्थानिक ग्रामस्थ आणि इतरांनी वाहतूक कोंडी सुरळीत केली. रस्त्यावर पसरलेला ऊस दुसरी ट्रॉली आणून त्यामध्ये भरण्याचे काम जवळपास तीन ते चार तास सुरू होते.

बेशिस्त वाहतुकीवर कारवाई गरजेची

ऊस वाहतूक करणा-या वाहनांमध्ये नियमांचे पालन न करता मोठ्या प्रमाणात ऊस भरतात. बहुतांशी ट्रॉली किंवा वाहने जुनी आहेत. त्यांची देखभाल, दुरुस्ती झालेली नसते. टायरही जुने असतात. त्यामुळे असे अपघात होत आहेत. यामध्ये इतर वाहनचालक, प्रवाशांचा जीव टांगणीला लागतो. वाहतूक पोलिसांनी अशा बेशिस्त वाहतुकीवर कारवाई करणे गरजेचे झाले आहे. कारखान्यांनी देखील अशा वाहनांची सर्व तपासणी करून मगच ते ऊस वाहतुकीसाठी पाठवावे, अशी मागणी होत आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article