डेटींग अ‍ॅपद्वारे लुटमार करणार्‍या सराईत टोळीला बेड्या:चार गुन्हे उघडकीस, स्थानिक गुन्हे शाखेची कामागिरी

4 days ago 2
डेटींग अ‍ॅपसह मोबाईलमधील नवनवीन अ‍ॅपच्या माध्यमातून संपर्कात येणार्‍या तरूणांना बोलावून घेत, त्यांचे मोबइल रोकड लुटणार्‍या टोळीला पुणे ग्रामीण पोलिसांच्या स्थानिक गुन्हे शाखेने अटक केली आहे. आरोपींनी शिक्रापूर परिसरात तीन, लोणीकंदमध्ये एक असे चार लुटमारीचे गुन्हे केले आहेत. त्याद्वारे त्यांनी ८० हजार रूपये लुटल्याचे तपासात निष्पन्न झाल्याची माहिती पोलीस अधीक्षक पंकज देशमुख यांनी पत्रकार परिषदेत दिली आहे. सुशांत पोपट नागरे वय २५ रा. प्रेमभारती नगर, बोल्हेगाव ता. जि. नगर, मयुर राजू गायकवाड, वय २४, बोल्हेगाव नगर, श्रेयस भाउसाहेब आंग्रे, वय २४ रा. संभाजीनगर, नागापूर अशी अटक केलेल्यांची नावे आहेत.आरोपी मयूर याच्याविरूद्ध शरीराविरूद्धचे दोन गुन्हे दाखल आहेत. तर आरोपी सुशांतवर एक गुन्हा दाखल आहे. दोघेही रेकार्डवरील आरोपी आहेत. तरूणांना डेटींग अ‍ॅपद्वारे जाळ्यात अडकवून त्यांची लुटमार केल्याचे गुन्हे शिक्रापूर पोलीस ठाण्यात दाखल होते. अशाच प्रकारे रस्त्यात थांबलेल्या तरूणाला मुंबईला जाण्याचा पत्ता विचारण्याच्या बहाण्याने टोळक्याने त्यांचे १० ऑक्टोबरला अपहरण केले. आरोपी हे कारेगाव येथे पाण्याची बाटली घेण्यासाठी उतरले असता, तरूणाने मोटारीतून उतरून सुटका करून घेतली. याप्रकरणी सीसीटीव्ही फुटेज तपाासले असता, मोटारीच्या क्रमांकानुसार नगर जिल्हयातील सराईत सुशांत नागरे याची माहिती पथकाने घेतली. त्यानंतर पथकाने तिघांना ताब्यात घेत मोटार जप्त केली. ही कामगिरी पोलीस अधीक्षक पंकज देशमुख, उपविभागीय अधिकारी प्रशांत ढोले, पोलीस निरीक्षक अविनाश शिळीमकर, पोलीस निरीक्षक दिपरत्न गायकवाड, उपनिरीक्षक अमित सिदपाटील, तुषार पंदारे, जनार्दन शेळके, संजू जाधव, सागर धुमाळ यांनी केली.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article