तुमच्याकडे सत्ता आहे म्हणून दमदाटी करता का?:भोरमधून शरद पवारांचा उपमुख्यमंत्री अजित पवारांवर हल्लाबोल

तुमच्याकडे सत्ता आहे म्हणून दमदाटी करता का, उपमुख्यमंत्रीपदाचा उपयोग लोकांची कामं करण्यासाठी करा, असे म्हणत शरद पवारांनी उपमुख्यमंत्री अजित पवारांवर हल्लाबोल केला आहे. ते काँग्रेस उमेदवार संग्राम थोपटे यांच्यासाठी भोर विधानसभा मतदारसंघात प्रचार सभा घेतली यावेळी ते बोलत होते. दरम्यान शरद पवार पुढे बोलताना म्हणाले की, शिवरायांच्या काळात महिलांचा सम्नान करण्यात येत होता. कल्याणच्या सुभेदाराची सून देखणी होती. त्यांना शिवरायांसमोर हजर करण्यात आले तेव्हा महाराजांनी तेव्हा म्हटले की इतकी सुंदर माझी आई असती तर मी पण इतकाच सुंदर असतो, ह्या माऊलीस सन्मानाने जाऊ द्यात. हा सन्मान महाराज यांनी महिलांचा केला. आणि आपल्याकडे बेपत्ता महिलांचा शोध लागत नाही, असे म्हणत सरकारवर टीका केली आहे. लाडकी बहिण योजनेवरुन टीका शरद पवार पुढे बोलताना म्हणाले की, हे सरकार लाडक्या बहिणीचे प्रश्न सोडवू शकत नाही, केवळ फसव्या योजना आहे. महिलांना आकर्षित करण्यासाठी निवडणुकीच्या तोंडावर ही योजना आणली आहे. हे वृत्त अपडेट होत आहे...