दिल्ली सरकारने वृद्धांसाठी सुरू केली पेन्शन योजना, 24 तासांत दहा हजार अर्ज दाखल

2 hours ago 1

दिल्लीतील ज्येष्ठ नागरिकांसाठी दिल्ली सरकारने मोठी घोषणा केली आहे. दिल्लीच्या मुख्यमंत्री आतिशी सरकारने वृद्धांना पेन्शन देण्याची घोषणा केली आहे. दिल्ली सरकार 80 हजार वृद्धांसाठी नवीन वृद्धापकाळ पेन्शन सुरू करणार आहे. त्यामुळे दिल्लीतील ज्येष्ठ नागरिकांसाठी ही महत्त्वाची घोषणा आहे.

दिल्लीचे माजी मुख्यमंत्री आणि आम आदमी पक्षाचे प्रमुख अरविंद केजरीवाल यांनी पेन्शनची घोषणा केली आहे. ‘आमच्या सरकारमध्ये 1 .25 लाख नागरिकांनी या पेन्शन फायदा झाला आहे. तर आता या संख्येत वाढ होऊन एकूण 5 लाख 30 हजार वृद्धांना ही पेन्शन मिळणार आहे. दरम्यान या योजनेची घोषणा केल्यापासून गेल्य़ा 24 तासांत दहा हजार अर्ज आले आहेत. आजपर्यंत ज्या ज्या ठिकाणी गेलो तेथे मला लोक वृद्धांसाठी पेन्शन योजनेची मागणी करायचे. आता त्याचीच अंमलबजावणी दिल्ली सरकारने केली आहे, असे अरविंद केजरीवाल यांनी सांगितले आहे.

कोणाला व किती मिळणार वृद्धापकाळ निवृत्ती पेन्शन?
1. 60 ते 69 वयोगटातील व्यक्तीला दरमहा दोन हजार रुपये दिले जातील.
2. 70 वर्षे किंवा त्याहून अधिक वयाच्या वृद्ध व्यक्तीला दरमहा अडीच हजार रुपये दिले जातील.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article